'క్రాక్' దర్శకుడిని ఆశ్చర్యపరిచిన నారాలోకేష్

కరోనా కల్లోలం తర్వాత తొలి హిట్ అందుకున్న మూవీ 'క్రాక్'. మాస్ మహారాజ్ రవితేజకు చాలా రోజుల తర్వాత డీసెంట్ హిట్ ఇచ్చాడు దర్శకుడు గోపిచంద్ మలినేని. ఈ చిత్రాన్ని అదిరిపోయేలా తీర్చిదిద్దాడు. తాజాగా గోపిచంద్ పుట్టినరోజు సందర్భంగా ఇండస్ట్రీ వర్గాలు ఆయనకు పుట్టినరోజు శుభాకాంక్షలు తెలుపుతున్నారు. సినీ, రాజకీయ ప్రముఖులు విషెస్ తెలిపారు.అయితే ఇందులో ఒకరి విషెస్ మాత్రం ఆకట్టుకున్నాయి. ప్రముఖ రాజకీయ నాయకుడు తెలుగుదేశం పార్టీ యువనేత నారా చంద్రబాబు నాయుడు తనయుడు నారాలోకేష్ కూడా ఈ డైరెక్టర్ కు శుభాకాంక్షలు తెలుపడం హాట్ టాపిక్ గా మారింది.

అయితే ఇది స్పెషల్ ఎందుకంటే.. నారా లోకేష్ ఈ కరోనా లాక్ డౌన్ లో 'క్రాక్' సినిమా చూశాడట.. అది చూసి తెగ ఎంజాయ్ చేశాడట.. ఈ క్రమంలోనే ఆ ఆనందం గుర్తొచ్చి ఇప్పుడు గోపీచంద్ కు పుట్టిన రోజు శుభాకాంక్షలు తెలిపాడట.. 'గోపీచంద్ మున్ముందు ఇలాంటి హిట్స్ ఎన్నో అందుకోవాలని ఆకాంక్షిస్తూ విషెస్ తెలిపాడు. నారా లోకేష్ నుంచి విషెస్ రావడానికి కారణం ఏంటని ఆరాతీయగా ఈ విషయం తెలిసింది.