'భీముడు'గా మారిపోయిన నారావారబ్బాయ్

నారా రోహిత్. పేరు వింటేనే మనకు కొత్తగా ఏదో ఒక కథ చూడబోతున్నాం అనే ఫీలింగ్ వస్తుంది. ఈ మధ్యన పట్టాలు తప్పి కొన్ని కమర్షియల్ మసాలా సినిమాలు చేశాడు కాని.. ఇప్పుడు మళ్ళీ దారిలోకి వచ్చేసినట్లున్నాడు. అప్పట్లో ఒకడుండేవాడు టీజర్ తో ఆకట్టుకున్న రోహిత్... ఇప్పుడు తన కొత్త సినిమాతో ఇంకా ఆకట్టుకునే ప్రయత్నం చేస్తున్నాడు.

తనకు గతంలో ''సావిత్రి'' సినిమా అందించిన దర్శకుడు పవన్ సాదినేని.. ఈసారి ఒక ఇంట్రెస్టింగ్ హారర్ థ్రిల్లర్ కత చెప్పాడట. ఈ కథలో బాగా దమ్ముండటంతో.. వెంటనే ''భీముడు'' అనే టైటిల్ ఫిక్స్ చేసేసి.. ఈ సినిమాను పట్టాలెక్కించేశారు. ఓ విషయం చెప్పమంటారా.. దసరా పండుగను పురస్కరించుకుని ఈరోజు ఈ సినిమా లాంఛింగ్ కూడా అయిపోయిందండోయ్. వినూత్నమైన కథాంశం కావడంతోనే వెంటనే ఈ సినిమాను లైన్లో పెట్టేసినట్లు తెలుస్తోంది.

మొన్న జో అచ్యుతానంద అంటూ హిట్టు కొట్టాడు.. చూస్తుంటే అప్పట్లో ఒకడుండేవాడు సినిమాతో కూడా కాస్త గాట్టిగా కొట్టేట్లే అనిపిస్తున్నాడు. ఇప్పుడేమో మనోడు భీముడు గా భయానకరసం చూపిస్తానంటున్నాడు. నాన్ స్టాప్ ఎంటర్టయిన్మెంట్ కు ఆడియన్స్ రెడీ కావల్సిందే మరి.