U/A పొందిన ‘రాజా చెయ్యి వేస్తే’

నారా రోహిత్ నటించిన మరో సినిమా ‘రాజా చెయ్యివేస్తే’. ఈ సినిమా అన్ని కార్యక్రమాలను పూర్తి చేసుకుని ఈనెల 29న ప్రేక్షకుల ముందుకొస్తోంది. ఈ చిత్రం సెన్సార్ ఈ రోజే పూర్తయింది. సినిమాను చూసిన సెన్సార్ సభ్యులు U/A సర్టిఫికెట్ ఇచ్చారు. ఈ సమ్మర్లో తుంటరి, సావిత్రి సినిమాలతో అలరించిన ఈ నారా వారబ్బాయి... ఇప్పుడు ముచ్చటగా మూడో సినిమాతో వేసవిని అలరించడానికి రెడీ అవుతున్నాడు. ఇందులో నందమూరి చిన్నోడు తారకరత్న విలన్ గా నటించిన విషయం తెలిసిందే. ఈ చిత్రం టీజర్ మంచి పాజిటివ్ టాక్ తెచ్చుకుంది. సాయి కార్తీక్ అందించిన బ్యాక్ గ్రౌండ్ స్కోర్ బాగా ఆకట్టుకుంటోంది. ఇందులో నారా రోహిత్ గానీ... తారకరత్నగానీ లుక్ పరంగా చాలా స్టైలిష్ గా కనిపిస్తున్నారు.

వారాహి చలనచిత్రం బ్యానర్ పై సాయి కొర్రపాటి ఈ చిత్రాన్ని నిర్మించారు. సాయిశివాని సమర్పణలో ఈ చిత్రం రూపొందింది. ప్రదీప్ చిలుకూరి ద‌ర్శ‌కత్వంలో తెరకెక్కిన ఈ చిత్రం ఆడియో ఇప్పటికే మంచి పాజిటివ్ టాక్ తెచ్చుకుంది. ఏపీ ముఖ్యమంత్రి చేతుల మీదుగా విజయవాడలో ఈ చిత్రం ఆడియోను ఆవిష్కరించిన విషయం తెలిసిందే. పాటలకు ఆడియెన్స్ నుండి మంచి స్పందనను రాబట్టుకుంది. ఈ సినిమాను ఏఫ్రిల్ 29న వ‌ర‌ల్డ్ వైడ్‌గా రిలీజ్ చేస్తున్నారు.