రాజా 29న చెయ్యి వేస్తున్నాడు

నారా వారబ్బాయి నారా రోహిత్.. హుషారు - స్పీడ్ పీక్ స్టేజ్ లో ఉంది. ఏ హీరో టచ్ చేయలేని, చేసేందుకు ఇష్టపడని డిఫరెంట్ కాన్సెప్ట్ లతో సినిమాలు చేస్తూ, తనదైన ఇమేజ్ ను సొంతం చేసుకున్నాడు. ఓ నెల్లాళ్ల క్రితం వరకూ నారా రోహిత్ ది ఓ లెక్క అయితే.. మార్చ్ నుంచి ఇతగాడి స్పీడ్ చూస్తుంటే ఆశ్చర్యం వేయకమానదు.

మార్చ్ 11న తుంటరి మూవీతో ప్రేక్షకుల ముందుకు వచ్చాడు ఈ కుర్ర హీరో. ఈ నెల 1న సావిత్రి అంటూ మరో మూవీని విడుదల చేసేశాడు. అంటే మూడు వారాల్లో రెండు సినిమాలు రిలీజ్ చేసి షాక్ ఇచ్చాడు. నారా రోహిత్ షాకులు ఇక్కడితో పూర్తవ్వలేదు. ఏప్రిల్ 29న 'రాజా చెయ్యి వేస్తే' అంటూ మరో సినిమాని రిలీజ్ చేస్తున్నట్లు చెప్పాడు నారా హీరో. దీంతో అందరికీ ఆశ్చర్యం వేసింది. రెండు నెలల గ్యాప్ లో మూడు సినిమాలు విడుదల చేయడం అంటే.. ఇప్పట్లో ఈ రికార్డ్ బ్రేక్ చేయడం ఎవరికీ సాధ్యం కాదేమో అనాల్సిందే.

నారా రోహిత్ రాజా చెయ్యి వేస్తే విషయంలో బాగా కాన్ఫిడెంట్ గా ఉన్నాడు. ప్రేక్షకులకు నచ్చే, వారిని మెప్పించే సినిమా ఇది అంటున్నాడు నారా రోహిత్