నారా రోహిత్ లుక్ అదిరిందంతే..

నారా రోహిత్.. కొత్త కొత్త యాంగిల్స్ అన్నీ ఒక్కొక్కటిగా బయటికి వస్తున్నాయి. మొన్నటి దాకా అన్నీ సీరియస్ పాత్రలే చేశాడు రోహిత్. ఆ పాత్రలన్నింట్లో మూడీగా కనిపించేవాడు రోహిత్. ఐతే ‘తుంటరి’ సినిమాకు వచ్చేసరికి పూర్తిగా రూటు మార్చేసి తనలోని కామెడీ యాంగిల్ చూపించడానికి రెడీ అవుతున్నాడు. ట్రైలర్లో కానీ.. పాటల్లో కానీ.. రోహిత్ అల్లరి మామూలుగా లేదు. కుర్రోడిలో కామెడీ టైమింగ్ బాగుందని అర్థమవుతోంది. ఇక తన తర్వాతి సినిమా ‘సావిత్రి’లో ఇంకో రకంగా కనిపిస్తున్నాడు రోహిత్. దాని తర్వాత రాబోయే ‘రాజా చెయ్యి వేస్తే’ అయితే.. రోహిత్ కు కంప్లీట్ మేకోవర్ అయ్యేలా కనిపిస్తోంది.

ఆ మధ్య తారకరత్న పుట్టిన రోజు సందర్భంగా రిలీజ్ చేసిన పోస్టర్లో రోహిత్ గడ్డంతో స్టైలిష్ గా కనిపించాడు. ఐతే లేటెస్టుగా విడుదల చేసిన పోస్టర్ దానికి పూర్తి భిన్నంగా ఉంది. వైట్ అండ్ వైడ్ డ్రెస్ వేసుకుని.. కళ్లజోడు పెట్టుకుని.. బుల్లెట్ మీద రౌడీల్ని వేసుకుని రోహిత్ వస్తున్న తీరు చూస్తే షాకవ్వాల్సిందే. రోహిత్ ఇలాంటి పాత్ర, ఇలాంటి క్యారెక్టర్ చేస్తున్నాడేంటి అని ఆశ్చర్యపోయేలా ఉంది ఈ పోస్టర్. మహాశివరాత్రి సందర్భంగా ఈ సరికొత్త లుక్ బయటికి వచ్చింది. ఇది సినిమా మీద ఆసక్తిని రెట్టింపు చేస్తోంది. సాయి కొర్రపాటి లాంటి అభిరుచి ఉన్న నిర్మాత ఈ సినిమాను నిర్మిస్తున్నాడు. ప్రదీప్ చిలుకూరి దర్శకుడిగా పరిచయమవుతున్నాుడ. ఇషా తల్వార్ కథానాయిక. రోహిత్ కెరీర్లో ఈ సినిమా చాలా ప్రత్యేకంగా ఉండబోతోందని పోస్టర్లు చూస్తే అర్థమవుతోంది.