శాతకర్ణి కోసం హాలీవుడ్ నుంచి విలన్

నటిస్తున్న 100వ సినిమా గౌతమిపుత్ర శాతకర్ణి కోసం.. చాలానే అద్భుతాలను సృష్టిస్తున్నాడు దర్శకుడు క్రిష్. క్రీస్తుశకం 2-3 శతాబ్దాలకు సంబంధించిన స్టోరీ కావడంతో.. అప్పుడంతా రాజుల కాలం.. యుద్ధాలు.. దేశాలపై దండెత్తడం.. జైత్రయాత్రలు.. దండయాత్రలను అడ్డుకోవడం అనే చరిత్ర బాగా నడిచేది. ఆ కాలంలో గ్రీకులు ప్రపంచంపై ఆధిపత్యం కోసం విపరీతంగా యుద్ధాలు చేసేవారు.

గౌతమి పుత్ర శాతకర్ణిలో కూడా ఈ గ్రీక్స్ కనిపిస్తారు. ఆ గ్రీకువీరులకు రాజు పాత్రకు చాలా ప్రాధాన్యం ఉంటుంది. ఆరోల్ ని హాలీవుడ్ యాక్టరన్ నాథన్ జోన్స్ తో చేయించబోతున్నారని తెలుస్తోంది. బాలకృష్ణ నేతృత్వం వహించే శాతవాహన సేనలతో.. నాథన్ జోన్స్ కు చెందిన గ్రీక్ సేనలు యుద్ధం చేయాల్సి ఉంటుంది. ఈ 6 అడుగుల 11 అంగుళాల నటుడికి పేరు గుర్తింపు ఉన్నాయి. గతంలో కూడా ట్రాయ్ మూవీలో ఇలాంటి రోల్ నే చేశాడీయన.

గౌతమిపుత్ర శాతకర్ణిని.. బాలయ్య కెరీర్ లోనే కాదు.. టాలీవుడ్ హిస్టరీలో నిలిచిపోయేలా క్రిష్ తీసుకుంటున్న జాగ్రత్తలను చూసి ఇండస్ట్రీ జనాలు ఆశ్చర్యపోతున్నారు. ఇప్పటికే జార్జియాలో క్లైమాక్స్ యుద్ధ సన్నివేశాల చిత్రీకరణ ప్రారంభం కాగా.. నాథన్ జోన్స్ కూడా త్వరలో యూనిట్ జత కానున్నాడని తెలుస్తోంది.