నేచుర‌ల్ స్టార్ డైరెక్ట‌ర్ నెక్స్ట్ మూవీ ఎవ‌రితో?

బ్లాక్ బ‌స్ట‌ర్ హిట్ ని అందించిన ద‌ర్శ‌కులు చాలా వ‌రకు నెక్స్ట్ మూవీ విష‌యంలో కొంత సందిగ్థ ప‌రిస్థితుల్ని ఎదుర్కొంటున్న విష‌యం తెలిసిందే. ఇందులో స్టార్ డైరెక్ట‌ర్లే అత్య‌ధిక శాతం వున్నారు. బ్లాక్ బ‌స్ట‌ర్ మూవీ త‌రువాత క్రేజీ స్టార్ తో ప్రాజెక్ట్ ని సెట్ చేసుకున్నా కొంత మంది స్టార్ డైరెక్ట‌ర్ల ప‌రిస్థితి అయోమ‌యంగా మారింది. ఈ జాబితాలో నేచుర‌ల్ స్టాన్ నాని ద‌ర్శ‌కుడు గౌత‌మ్ తిన్న‌నూరి కూడా చేరాడు. వివ‌రాల్లోకి వెళితే.. నాని హీరోగా గౌత‌మ్ తిన్న‌నూరి తెర‌కెక్కించిన మూవీ 'జెర్సీ'.

ఎమోష‌న‌ల్ ఎంట‌ర్ గా తెర‌కెక్కిన ఈ మూవీ ప్రేక్ష‌కుల ప్ర‌శంస‌ల‌ని సొంతం చేసుకోవ‌డ‌మే కాకుండా జాతీయ స్థాయిలో ఉత్త‌మ సినిమాగా అవార్డుల్ని ద‌క్కించుకుంది. ఈ త‌రువాత మెగా ప‌వ‌ర్ స్టార్ రామ్ చ‌ర‌ణ్ తో గౌత‌మ్ తిన్న‌నూరి ఓ భారీ ప్రాజెక్ట్ కు గ్రీన్ సిగ్న‌ల్ ఇచ్చిన విష‌యం తెలిసిందే. అయితే 'రామ్ చ‌ర‌ణ్ 'RRR' ప్రాజెక్ట్ లో బిజీగా వున్న కార‌ణ‌ఫంగా ఆ స‌మ‌యంలో గౌత‌మ్ తిన్న‌నూరి 'జెర్సీ' మూవీని హిందీలో రీమేక్ చేశాడు.

షాహీద్ క‌పూర్‌, మృణాల్ ఠాకూర్ జంట‌గా భారీ స్థాయిలో రీమేక్ చేసిన ఈ మూవీ అక్క‌డ ఆశించిన స్థాయిలో ఆక‌ట్టుకోలేక నిరాశ‌కు గురిచేసింది. దీంతో రామ్ చ‌ర‌ణ్ తో యువీ క్రియేష‌న్స్ బ్యాన‌ర్ లో గౌత‌మ్ తిన్న‌నూరి చేయాల్సిన క్రేజీ ప్రాజెక్ట్ అర్థాంత‌రంగా ఆగిపోయింది. గౌత‌మ్ తిన్న‌నూరి ప్లేస్ లో ఇత‌ర ద‌ర్శ‌కుల‌తో ఆ ప్రాజెక్ట్ ని చేయాల‌ని ఇప్ప‌టికే ప‌లువురు ద‌ర్శ‌కుల‌తో రామ్ చ‌ర‌ణ్ చ‌ర్చ‌లు జ‌రుపుతున్న‌ట్టుగా వార్త‌లు వినిపిస్తున్న విష‌యం తెలిసిందే.

ఈ నేప‌థ్యంలో గౌత‌మ్ తిన్న‌నూరి కొత్త క‌థని సిద్ధం చేసుకుంటున్నార‌ట‌. రామ్ చ‌ర‌ణ్ తో సినిమా చేసూ అవ‌కాశం మిస్స‌వ‌డంతో త‌న కొత్త ప్రాజెక్ట్ ని నేచుర‌ల్ స్టార్ నానితోనే మ‌ళ్లీ చేయాల‌నే ప్ర‌య‌త్నాల్లో వున్నాడ‌ని ఇన్ సైడ్ టాక్‌. త్వ‌ర‌లోనే ఈ ప్రాజెక్ట్ కి సంబంధించిన అధికారిక ప్ర‌క‌ట‌న రానుంద‌ని చెబుతున్నారు.

ఇదిలా వుంటే నేచుర‌ల్ స్టార్ నాని ప్ర‌స్తుతం ఊర మాస్ ఎంట‌ర్ టైన‌ర్ 'ద‌స‌రా'లో న‌టిస్తున్న విష‌యం తెలిసిందే. శ్రీ‌కాంత్ ఓదెల ద‌ర్శ‌కుడిగా ప‌రిచ‌యం అవుతున్న ఈ మూవీలో నానికి జోడీగా కీర్తి సురేష్ న‌టిస్తోంది. సుధాక‌ర్ చెరుకూరి అత్యంత భారీ స్థాయిలో నిర్మిస్తున్న ఈ మూవీని వ‌చ్చే ఏడాది మార్చిలో ప్రేక్ష‌కుల ముందుకు తీసుకురానున్న విష‌యం తెలిసిందే.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.