స‌రికొత్త అవ‌తారంలో నేచుర‌ల్ స్టార్

నేచుర‌ల్ స్టార్ నాని గ‌త ఏడాది రెండు చిత్రాల‌తో ప్రేక్ష‌కుల ముందుకొచ్చారు. ఒక‌టి ట‌క్ జ‌గ‌దీష్, మ‌రొక‌టి శ్యామ్ సింగ రాయ్‌. ఈ రెండు చిత్రాల్లో ట‌క్ జ‌గ‌దీష్ ఓటీటీ లో విడుద‌ల కాగా `శ్యామ్ సింగ రాయ్‌` థియేట‌ర్ల‌లో సంద‌డి చేసింది.

ఈ రెండు చిత్రాల స‌క్సెస్ అందించిన జోష్ లో నాని వ‌రుస‌గా బ్యాక్ టు బ్యాక్ చిత్రాల‌ని మొద‌లుపెట్టారు. ఆయ‌న న‌టిస్తున్న చిత్రాలు `అంటే సుంద‌రానికి`, `ద‌స‌రా. ఈ రెండు కాకుండా తాజాగా మ‌రో చిత్రానికి గ్రీన్ సిగ్న‌ల్ ఇచ్చేశారు.

వివేక్ ఆత్రేయ డైరెక్ష‌న్ లో చేస్తున్న `అంటే సుంద‌రానికి` అడ‌ల్ట్ కామెడీ నేప‌థ్యంలో స‌రికొత్త పంథాలో రూపొందుతోంది. మేకోవ‌ర్‌, గెట‌ప్ తో పాటు క్యారెక్ట‌ర్ కూడా చాలా కొత్త‌గా వుండేలా డిజైన్ చేసుకున్నారు. ఈ మూవీ ద్వారా మ‌ల‌యాళ న‌టి న‌జ్రియా న‌జీమ్ తెలుగు తెర‌కు హీరోయిన్ గా ప‌రిచ‌యం అవుతోంది. మైత్రీ మూవీ మేక‌ర్స్ సంస్థ నిర్మిస్తున్న ఈ మూవీ చిత్రీక‌ర‌ణ పూర్తి చేసుకుని ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాలు జ‌రుపుకుంటోంది.

ఈ చిత్రాన్ని మే 6న రిలీజ్ చేయ‌బోతున్న‌ట్టుగా వార్త‌లు వినిపిస్తున్నాయి. ఈ మూవీ పూర్తి కావ‌డంతో త‌న ఫోక‌స్ ని మొత్తం `ద‌స‌రా`పై షిప్ట్ చేశాడు నాని. ఈ మూవీ ద్వారా యంగ్ డైరెక్ట‌ర్ శ్రీ‌కాంత్ ఓదెల ద‌ర్శ‌కుడిగా ప‌రిచ‌యం అవుతున్నారు. శ్రీ ల‌క్ష్మీ వెంక‌టేశ్వ‌ర సినిమాస్ బ్యాన‌ర్ పై సుధాక‌ర్ చెరుకూరి నిర్మిస్తున్నారు. కీర్తి సురేష్ హీరోయిన్ గా న‌టిస్తున్న ఈ మూవీ తెలంగాణ నేప‌థ్యంలో సాగ‌నుంది. ఇందులో హీరో నాని తెలంగాణ యువ‌కుడిగా క‌నిపించ‌నున్నారు.

ఇటీవ‌లే ఈ మూవీ లాంచ‌నంగా పూజా కార్య‌క్ర‌మాలు జ‌రుపుకుంది. రెగ్యుల‌ర్ షూటింగ్ మార్చి నుంచి ప్రారంభం కానుంది. ఈ నేప‌థ్యంలో హీరో నాని మ‌రో మూవీకి గ్రీన్ సిగ్న‌ల్ ఇవ్వ‌డం ఆస‌క్తిని రేకెత్తిస్తోంది. `ద‌స‌రా` మూవీలో మాస్ పాత్ర‌లో న‌టిస్తూ తెలంగాణ స్లాంగ్ లో డైలాగ్ లు చెబుతున్న నాని ఈ మూవీ త‌రువాత చేయ‌నున్న మూవీలో ర‌గ్గ్‌డ్ క్యారెక్ట‌ర్ లో స‌రికొత్త అవ‌తారంలో మ‌రింత మాసీవ్ పాత్ర‌లో క‌నిపించ‌నున్నార‌ని తెలిసింది.

విలేజ్ బ్యాక్ డ్రాప్ లో సాగే ఈ మూవీ ఈస్ట్ గోదావ‌రి జిల్లాలో అత్య‌ధిక భాగం సాగ‌నుంద‌ని తెలిసింది. ఈ మాసీవ్ మూవీని నిర్మించే ప్రొడ‌క్ష‌న్ సంస్థ ఏది? .. దీనిని ఎవ‌రు డైరెక్ట్ చేయ‌బోతున్నారు అనే విషయాలు త్వ‌ర‌లోనే అధికారికంగా బ‌య‌టికి రానున్నాయి. ఓ ప్ర‌ముఖ నిర్మాణ సంస్థ‌.. ఈ చిత్రాన్ని నిర్మించ‌నుండ‌గా ఓ స్టార్ డైరెక్ట‌ర్ ఈ మూవీకి ద‌ర్శ‌క‌త్వం వ‌హించే అవ‌కాశం వుంద‌ని తెలిసింది.