ఆ హీరో ఎందులోనూ వేలు పెట్ట‌లేదు!

హీరోలు క్రియేటివ్ పార్ట్ లో వేలు పెట్ట‌డంపై రెగ్యుల‌ర్ గానే గుసగుస‌లు వినిపిస్తుంటాయి. ఇన్వాల్వ్ అయ్యాడా.. లేక వేలు పెట్టాడా? అన్న‌దానికి స‌న్న‌ని లైన్ మాత్ర‌మే అడ్డుగా నిలుస్తుంది. ఆ లైన్ ని అర్థం చేసుకుంటే గొడ‌వ ఉండ‌దు. అర్థం చేసుకోక‌పోతే గొడ‌వ ర‌చ్చ‌కెక్కుతుంది. ద‌ర్శ‌కుడితో సాన్నిహిత్యం వ‌ల్ల హీరోలు ఏదైనా త‌మ అభిప్రాయం వినిపిస్తే దానిని వేలు పెట్ట‌డం అన‌కూడ‌దు. ఇలాంటి ఎన్నో సందిగ్ధ‌త‌లు ఒక్కోసారి ప్రాజెక్టును న‌లిపేస్తుంటాయి.

ప్ర‌స్తుతం నేచుర‌ల్ స్టార్ నాని విష‌యంలో అలాంటి రూమ‌ర్ ఒక‌టి ప్ర‌ముఖంగా ఫిలింస‌ర్కిల్స్ లో వినిపిస్తోంది. మ‌నం ద‌ర్శ‌కుడు విక్ర‌మ్‌.కె తో క‌లిసి నాని స్క్రిప్ట్ వ‌ర్క్‌లో పాలుపంచుకుంటున్నాడ‌ని, నాని కో రైట‌ర్ గా ఓ చెయ్యేస్తున్నాడ‌ని ప్ర‌చారం సాగుతోంది. అయితే ఇది నిజ‌మేనా? అసలింత‌కీ వాస్త‌వం ఏంటి? అని ప్ర‌శ్నిస్తే విక్ర‌మ్.కె.కుమార్ అందుకు క్లియ‌ర్ క‌ట్ గా స్ప‌ష్ట‌త‌ను ఇచ్చే ప్ర‌య‌త్నం చేశారు.

నాని ఈ చిత్రంలో హీరో మాత్ర‌మే. ర‌చ‌న‌కు సంబంధించిన త‌న‌కు ఏమాత్రం సంబంధం లేదు. అత‌డు వేలు పెట్టిన సంద‌ర్భం అస‌లే లేదు అంటూ క్లారిటీనిచ్చారు. భ‌విష్య‌త్ లో నాని రైట‌ర్ అవుతారో లేదో తెలీదు కానీ, ఇప్ప‌టికి అయితే ఎందులోనూ అత‌డు త‌ల‌దూర్చ‌లేద‌ని విక్ర‌మ్‌.కె క్లారిటీనివ్వ‌డంతో నేచురల్ స్టార్ అభిమానుల‌కు డౌట్లు తీరిపోయాయి.

నాని- విక్ర‌మ్‌.కె కాంబినేష‌న్ లో మైత్రి మూవీ మేక‌ర్స్ తెరకెక్కించ‌నున్న ఈ చిత్రం 2019 జ‌న‌వ‌రి త‌ర్వాత ప్రారంభ‌మ‌య్యే అవ‌కాశం ఉంది. అప్ప‌టికి స్క్రిప్టు వ‌ర్క్ పూర్తి చేసి, కాస్టింగ్ సెల‌క్ష‌న్స్ చేస్తార‌ట‌. అలాగే నాని హీరోగా న‌టిస్తున్న జెర్సీ చిత్రానికి గౌత‌మ్ తిన్న‌నూరి ద‌ర్శ‌క‌త్వం వ‌హిస్తున్న సంగ‌తి తెలిసిందే.