పంచకట్టులో ఫ్యామిలీతో నాచురల్‌ స్టార్‌

నాచురల్ స్టార్‌ నాని హీరోగా ఈ మధ్య కాలంలో శ్యామ్‌ సింగరాయ్ మరియు అంటే సుందరానికి సినిమాలు వచ్చాయి. రెండు సినిమాలు కూడా మంచి విజయాన్ని సొంతం చేసుకున్నాయి. ముఖ్యంగా శ్యామ్‌ సింగరాయ్ సినిమా కమర్షియల్ గా కూడా బిగ్ హిట్ అనిపించుకుంది. ప్రస్తుతం దసరా అనే భారీ మాస్ యాక్షన్ సినిమాను చేస్తున్న నాని సోషల్‌ మీడియాలో షేర్ చేసిన ఈ ఫోటోలు వైరల్‌ అవుతున్నాయి.

ఇంట్లో సత్యనారాయణ వ్రతం చేయించిన నాని కుటుంబ సభ్యులతో కలిసి సాంప్రదాయ డ్రెస్‌ ల్లో మెరిశాడు. ముఖ్యంగా నాని పట్టు పంచ మరియు సిల్క్ వైట్‌ షర్ట్‌ లో పద్దతైన తెలుగు పెద్ద మనిషి అన్నట్లుగా కనిపించాడు. నాని ఎప్పుడు కూడా రెగ్యులర్‌ ఫార్మల్‌ డ్రస్‌ ల్లో చూసిన నెటిజన్స్ కి ఈ కొత్త లుక్ చాలా విభిన్నంగా అనిపించడంతో ఈ ఫోటోలను తెగ షేర్‌ చేస్తున్నారు.

నాని తనయుడు అర్జున్‌ ను కూడా ఈ ఫోటోల్లో చూడవచ్చు. నాని తల్లిదండ్రులు మరియు భార్య తో కలిసి సత్యనారాయణ వ్రతం చేయించాడు. కుటుంబంతో సాధ్యం అయినంత వరకు ఎక్కువ సమయం కేటాయించి బాబుతో టైమ్ స్పెండ్‌ చేసేందుకు ఆసక్తి చూపించే నాని తాజాగా ఈ పూజా సమయంలో కుటుంబంతో చాలా సంతోషంగా కనిపించారు.

ఇక నాని సినిమాల విషయానికి వస్తే దసరా సినిమా షూటింగ్‌ దశలో ఉంది. త్వరలోనే ఆ సినిమా ను పూర్తి చేసే అవకాశాలు కనిపిస్తున్నాయి. ఇటీవల సినిమా నుండి పోస్టర్ వచ్చింది. సినిమాలో నాని మాస్ లుక్ కు ఇప్పటికే మంచి పేరు వచ్చింది. సినిమా ఎప్పుడెప్పుడు వస్తుందా అంటూ ప్రేక్షకులు మరియు అభిమానులతో పాటు ఇండస్ట్రీ వర్గాల వారు కూడా ఎదురు చూస్తున్నారు.