టాలీవుడ్ హీరో.. షాకింగ్ మేకోవర్!

'జై' సినిమాతో టాలీవుడ్ ఎంట్రీ ఇచ్చిన హీరో నవదీప్. 15 ఇయర్స్ ఇండస్ట్రీ. హిట్లు.. ఫ్లాపులు.. హీరోగా అవకాశాలు రాకపోవడం.. సైడ్ రోల్స్ చేయడం..ఇలా కెరీర్లో ఎత్తుపల్లాలు అన్నీ చూసిన నవదీప్ బిగ్ బాస్ మొదటి సీజన్లో కూడా పాల్గొన్నాడు. మొదట్లో ఫిట్ గా ఉండే నవదీప్ బిగ్ బాస్ టైమ్ కు కాస్త బొద్దుగా మారాడు. అయితే ఈమధ్య ఏమైందో ఏమో కానీ ఫిట్ నెస్ పై ఫోకస్ చేసి పర్ఫెక్ట్ ఫిజిక్ సాధించాడు.

కొద్దిరోజుల క్రితం జిమ్ లో స్కిన్ టైట్ టీ షర్ట్ ధరించి ఉన్న ఒక ఫోటో తన సోషల్ మీడియా ఖాతా ద్వారా పోస్ట్ చేసి ఒక్కసారిగా అందరినీ ఆశ్చర్యపరిచాడు. తాజాగా నవదీప్ తన ఇన్స్టా ఖాతా ద్వారా మరో ఫోటో పోస్ట్ చేశాడు. ఈ ఫోటోలో నవదీప్ షర్ట్ లేకుండా.. సల్మాన్ ఖాన్ తరహాలో బేర్ బాడీని ప్రదర్శించాడు. ట్రాక్ ప్యాంట్.. చేతులకు గ్లవ్స్ ధరించి జిమ్ లో నిలుచున్న పోజు చూస్తుంటే ఒక హాలీవుడ్ హీరోలాగా కనిపిస్తున్నాడు. కొందరికి బాలీవుడ్ విలన్లు కూడా గుర్తు రావచ్చు. పర్ఫెక్ట్ యాబ్స్... షోల్డర్స్.. బైసెప్స్.. ట్రైసెప్స్.. సిల్వెస్టర్ స్టాలోన్ లాగా నరాలు కనిపిస్తున్న ఫోర్ ఆర్మ్ తో మిస్టర్ ఫిట్ గా కనిపిస్తున్నాడు. ఇది నిజంగానే షాకింగ్ మేకోవర్ అని చెప్పాలి.

ఈ ఫోటో పోస్ట్ చేస్తూ నవదీప్ తన ట్రైనర్ కృష్ణ సద్వాలే కు ప్రత్యేకంగా కృతజ్ఞతలు తెలిపాడు. అతనికే కాదు.. తనకు ప్రేరణనిచ్చిన స్నేహితులు అల్లు అర్జున్.. రామ్ చరణ్.. రానా దగ్గుబాటి.. తదితరులకు కూడా థ్యాంక్స్ చెప్పాడు. నవదీప్ ఫోటోను.. ఆయనగారి కండల వీరుని అవతారాన్ని చూస్తుంటే టాలీవుడ్ లో క్రేజీ ఆఫర్లపై కన్నేసినట్టు అనిపిస్తోంది కదా? ఈ ఫోటోకు బాలీవుడ్ హాటీ ఈషా గుప్తా ఒక లైక్ వేసుకుంది. సినిమాల విషయానికి వస్తే నవదీప్ ప్రస్తుతం 'వీరమాదేవి'.. 'సీరు' అనే తమిళ సినిమాల్లో నటిస్తున్నాడు. తెలుగులో అల్లు అర్జున్ - త్రివిక్రమ్ సినిమాలో ఒక కీలక పాత్ర పోషిస్తున్నాడు.