బుల్లితెరపై కొత్త పాత్రలో టాలీవుడ్ హీరో

నవదీప్.. ఈ కుర్ర హీరో టాలీవుడ్ లో చాలాకాలంగానే ఉన్నాడు. సోలో హీరోగా తెగ సినిమాలు చేసేయకపోయినా.. అవకాశాల విషయంలో కొదువేం లేదు. యాక్టర్ గా ఇప్పటికీ బిజీగానే కొనసాగుతుంటాడు. కాకపోతే అప్పుడప్పుడూ ఏదో ఒక వివాదంలో అనవసరంగా ఇరుక్కుంటూ ఉంటాడు. మళ్లీ దాన్నుంచి బయటపడ్డానికి కొన్ని తిప్పలు పడుతూ ఉంటాడు నవదీప్.

ఇటు హీరోగానే కాకుండా.. భారీ ఈవెంట్ల నిర్వహణలో కూడా నవదీప్ కు మంచి అనుభవం ఉంది. రీసెంట్ గా మహేష్ బాబు బ్రహ్మోత్సవం ఆడియో ఫంక్షన్ లో హోస్ట్ గా కనిపించి ఆశ్చర్యపరిచాడు కూడా. ఆ మధ్య ఓ కాస్ట్లీ పబ్ కూడా స్టార్ట్ చేశాడనే వార్తలొచ్చాయి కానీ.. అది తనది కాదని చెప్పేశాడు లెండి. ఇప్పుడు నవదీప్ కొత్త పాత్రలో కనిపించేందుకు సిద్ధమవుతున్నాడు. ఇప్పుడు బుల్లితెరపై సత్తా చాటనుండడం విశేషం.

టెలివిజన్ లో ఇప్పటికే చాలామంది స్టార్లు సెటిల్ కాగా.. ఇప్పుడు ఓ బిగ్గెస్ట్ రియాలిటీ షో ను హోస్ట్ చేయబోతున్నాడు. సౌతిండియాలో ఇదే అతి పెద్ద స్టంట్ రియాలిటీ షో అంటున్నారు. ఓ ప్రముఖ ఛానల్ లో ప్రసారం కానున్న ఈ కార్యక్రమాన్ని వైజయంతి టెలిఫిలిమ్స్ నిర్మిస్తుండడం విశేషం. 15మంది పార్టిసిపెంట్లు ఒళ్లు గగుర్పొడిచే సాహసాలు చేస్తుంటే.. నవదీప్ వాళ్లని సమన్వయపరుస్తాడట. ఇక్కడ కూడా నవదీప్ క్లిక్ కావడం ఖాయం అంటున్నారు అతడి ట్యాలెంట్ తెలిసిన జనాలు.