నానికి కొత్త విలన్ ని తెస్తున్నారు

నేచురల్ స్టార్ నాని ఇప్పుడు ఫుల్ స్వింగ్ లో ఉన్నాడు. వరుసగా సినిమాలు చేయడమే కాదు.. వరుసగా హిట్స్ కూడా కొట్టేస్తున్నాడు. ఒక సినిమా రిలీజ్ కి రెడీ అయ్యేనాటికి.. మరో మూవీ షూటింగ్ సగం కంప్లీట్ చేసేస్తున్నాడంటే.. నాని స్పీడ్ అర్ధమవుతుంది. అలాగే కొత్త ప్రాజెక్టుల విషయంలో కూడా నాని స్పీడ్ మామూలుగా లేదు.

ఇప్పుడు నేను లోకల్ అనే ఓ సినిమా చేస్తున్నాడు నాని. సినిమా చూపిస్త మామ ఫేమ్ ఎన్ త్రినాథ్ రావు దర్శకత్వంలో ఈ మూవీ రూపొందనుండగా.. ఇప్పటికే ప్రీ ప్రొడక్షన్ పనులు మొదలైపోయాయి. అక్టోబర్ నుంచి మొదలు పెట్టి షూటింగ్ ని మాంచి స్పీడ్ లో పూర్తి చేసేలా ప్లాన్ చేశారు. నేను లోకల్ మూవీలో.. యంగ్ యాక్టర్ నవీన్ చంద్రను తీసుకున్నట్లు తెలుస్తోంది. అందాల రాక్షసితో ఫేమ్ సంపాదించుకున్న ఈ యాక్టర్.. నాని సినిమాలో విలన్ గా నటించబోతున్నాడట.

డైరెక్టర్ చెప్పిన లైన్ కి కన్విన్స్ అయిన నవీన్ చంద్ర.. విలన్ రోల్ చేసేందుకు వెంటనే ఒప్పేసుకున్నాడని తెలుస్తోంది. ఈ మూవీని ఎక్కువ భాగం కర్నూలు.. విజయవాడల్లో షూటింగ్ జరిపేలా ప్లాన్ చేశారు. నేను లోకల్ మూవీలో నానికి హీరోయిన్ గా కీర్తి సురేష్ నటించనుంది.