ఎన్టీఆర్ సినిమాలో రాక్షసి హీరో

ఎన్టీఆర్-త్రివిక్రమ్ శ్రీనివాస్ కాంబినేషన్ లో కొత్త సినిమా షూటింగ్ మొదలైపోయింది. మాటల మాంత్రికుడి కోసం ఆరు నెలల పాటు వెయిటింగ్ చేసి మరీ ఈ చిత్రాన్ని మొదలుపెట్టాడు యంగ్ టైగర్. హైద్రాబాద్ లోనే రాయలసీమకు చెందిన ఓ గ్రామాన్ని సెట్ వేసి మరీ షూట్ చేస్తున్నారు. హీరోతో పాటు ప్రధాన నటీనటులు అంతా షూటింగ్ లో పాల్గొంటున్నార.

ఈ షూటింగ్ కు మరో టాలీవుడ్ హీరో కూడా అటెండ్ కావడంతో.. ఇతడు కూడా సినిమాలో ఉన్నాడనే విషయం బైటకు వచ్చింది. అందాల రాక్షసి మూవీతో ఆకట్టుకున్న నవీన్ చంద్ర ఆ తర్వాత పలు రకాల క్యారెక్టర్స్ చేస్తూ.. తన గ్రాఫ్ పెంచుకుంటున్నాడు. కొన్ని సినిమాలలో నెగిటివ్ రోల్స్ కూడా చేయగా.. నేను లోకల్ మూవీలో కీలకమైన పాత్రతో ఆకట్టుకున్నాడు. ఈ సినిమాలో నవీన్ చంద్ర పెర్ఫామెన్స్ చూసి.. త్రివిక్రమ్ ఇతడికి ఓ మంచి రోల్ ఆఫర్ చేశాడట. చాలా కాలంగా పెద్ద బ్యానర్ లో.. భారీ చిత్రంలో చేయాలనే కోరికతో ఉన్న నవీన్ చంద్ర వెంటనే ఈ రోల్ ను యాక్సెప్ట్ చేసినట్లుగా తెలుస్తోంది.

ఎన్టీఆర్ సినిమాలో కీలకమైన క్యారెక్టర్ అంటే.. కచ్చితంగా అది నవీన్ చంద్రకు కెరీర్ టర్నింగ్ పాయింట్ అవుతుందనే అంచనాలు వినిపిస్తున్నాయి. తనలోని నటుడి నుంచి ఓ కొత్త కోణాన్ని ఈ చిత్రం బయటకు తీస్తుందని నమ్మకంగా ఉన్నాడట నవీన్ చంద్ర. ఒక వైపు హీరోగా కంటిన్యూ అవుతూనే.. మంచి పాత్రలు వస్తే చిన్న క్యారెక్టర్స్ అయినా చేస్తానని చెబుతున్నాడట ఈ యంగ్ హీరో.