న‌వ్వులు పూయిస్తున్న జాతిర‌త్నం వీడియో!

న‌వీన్ పొలిశెట్టి న‌టించిన కామెడీ ఎంట‌ర్ టైన‌ర్ `జాతిర‌త్నాలు`. 2021 మార్చి 11న విడుద‌లైన ఈ మూవీ బాక్సాఫీస్ వ‌ద్ద ఊహ‌కంద‌ని స్థాయిలో కాసుల వ‌ర్షం కురిపించి చిన్న సినిమాల్లో సంచ‌ల‌నం సృష్టించింది. అనుదీప్ కెవి కి ద‌ర్శ‌కుడిగా గుర్తింపుని తెచ్చి పెట్ట‌డ‌మే కాకుండా హీరోగా న‌వీన్ పొలిశెట్టికి కొత్త లైఫ్ ని,  స‌రికొత్త క్రేజ్ ని అందించింది. ఈ మూవీ విడుద‌లై ఏడాదిన్న‌ర‌కు పైనే అవుతున్నా హీరో  న‌వీన్ పొలిశెట్టి నుంచి ఇంత వ‌ర‌కు ఎలాంటి అప్ డేట్ రావ‌డం లేదు.

సితార ఎంట‌ర్ టైన్ మెంట్స్ లో `అన‌గ‌న‌గ ఒక రాజు` మూవీలో న‌టిస్తున్నాడు. ఈ మూవీతో పాటు యువీ క్రియేష‌న్స్ నిర్మిస్తున్న సినిమాలోనూ న‌టిస్తున్నాడు. ఈ మూవీలో అనుష్క ప్ర‌ధాన పాత్ర‌లో న‌టిస్తోంది. ఈ రెండు సినిమాలు ప్ర‌స్తుతం చిత్రీక‌ర‌ణ ద‌శ‌లో వుంది. అయితే గ‌త కొంత కాలంగా త‌న సినిమాల‌కు సంబంధించిన అప్ డేట్స్ ఏమీ రావ‌డం లేదంటూ ఫ్యాన్స్ పంచ్ లేస్తున్నారంటూ శ‌నివారం వినూత్నంగా న‌వీన్ పొలిశెట్టి ఓ వీడియోని విడుద‌ల చేశాడు.

ప్ర‌స్తుతం ఇది నెట్టింట వైర‌ల్ గా మారి సంద‌డి చేస్తోంది. న‌వ్వులు పూయిస్తోంది. అన‌కా ప‌ల్లి నుంచి అమెరికా దాకా ప్ర‌తీ ఒక్క‌రూ త‌న సినిమాల అప్ డేట్ లు ఇవ్వ‌మంటూ అడుగుత‌న్నార‌ని ఫ‌న్నీగా త‌న‌పైనే త‌ను పంచ్ లు వేసుకున్న తీరు నెట్టింట న‌వ్వులు పూయిస్తోంది. నీవ‌న్ పొలిశెట్టి స్నేహితుడితో ఫోన్ మాట్లాడుతూ `అరేయ్ ఏం చెప్ప‌మంటావురా `జాతిర‌త్నాలు` త‌రువాత ఫ్యాన్స్ ల‌వ్వు అరే ఇంటి నుంచి బ‌య‌ట అడుగు పెట్ట‌డానికి లేదు ప‌రిస్థితి.. అన‌గానే ఫ్యాన్స్ అంటూ ఇద్ద‌రు న‌వీన్ పొలిశెట్టి వ‌ద్ద‌కు వ‌చ్చారు.

అందులో ఒక‌త‌ను న‌వీన్ అన్నా వున్నావా? చ‌చ్చావా? అన‌డంతో కంగుతిన్న న‌వీన్ `ఉన్నారా.. షూటింగ్ చేస్తున్నా.. అన‌డం.. అయితే నెక్స్ట్ మూవీ అప్ డేట్ ఏదీ అని మ‌రో అభిమాని ప్ర‌శ్నించ‌డం..దానికి కొత్త కాన్సెప్ట్ సినిమాలు చేస్తున్న క‌దా షూటింగ్ జ‌రుగుతోంది. చాలా బాగా వ‌స్తున్న‌య్ అని న‌వీన్ అన‌డం...ఆ వెంట‌నే అది అంద‌రికి తెలిసిందే క‌దా.. అప్ డేట్ లు లేవు ప‌దా అని ఫ్యాన్స్ వెళుతుండ‌టం.. మ‌రో అభిమాని కొడుకుతో క‌లిసి త‌నెవ‌రో తెలుసా.. జాతిర‌త్నాలు టైమ్ లో ఎత్తుకుని సెల్ఫీ ఇచ్చారు. అప్పుడు వీడు థ‌ర్డ్ స్టాండ‌ర్డ్‌.. త్వ‌ర‌గా అప్ డేట్ ఇవ్వండి లేదంటూ వీడి కొడుకు థ‌ర్డ్ స్టాండ‌ర్డ్ కి వ‌చ్చేలా వున్నాడ‌ని పంచ్ వేయ‌డం న‌వ్వులు పూయిస్తోంది.

న్యూ ఇయ‌ర్ లో న్యూ మూవీస్ అప్ డేట్ ల‌ని నాన్ స్టాప్ ఎంట‌ర్ టైన్ మెంట్ తో అందించ‌బోతున్నాన‌ని వీడియో చివ‌రలో స్ప‌ష్టం చేశాడు న‌వీన్ పొలిశెట్టి. ఆద్యంతం ఫ‌న్నీ సంభాష‌ణ‌ల‌తో సాగిన అప్ డేట్ వీడియో ప్ర‌స్తుతం నెట్టింట వైర‌ల్ గా మారింది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.