నయన్ ప్రియుడు అతడిని వదిలేదే లే...!

నయనతార ప్రియుడు.. యంగ్ డైరెక్టర్‌ విఘ్నేష్‌ శివన్‌ కాతువాకుల రెండు కాదల్‌ సినిమా తో సక్సెస్ ను దక్కించుకున్నాడు. గత ఏడాది కాలంగా అదిగో ఇదిగో అంటూ ఊరిస్తూ వచ్చిన ఈ సినిమా లో నయనతార.. సమంత లతో పాటు విజయ్ సేతుపతి కీలక పాత్రలో నటించిన విషయం తెల్సిందే. ముగ్గురి మద్య ప్రేమ వ్యవహారం సినిమా కథ అనే విషయం తెల్సిందే.

ఒక ట్రైయాంగిల్ లవ్ స్టోరీని ఆసక్తికరంగా చూపించి సక్సెస్ అయిన దర్శకుడు విఘ్నేష్‌ శివన్‌ తన తదుపరి సినిమా ను తమిళ స్టార్‌ హీరో అజిత్‌ తో చేయబోతున్న విషయం తెల్సిందే. ఇటీవలే అజిత్ తో సినిమా ను విఘ్నేష్ శివన్ కన్ఫర్మ్‌ చేశాడు. సినిమాకు సంబంధించిన ప్రీ ప్రొడక్షన్ వర్క్ ను కూడా జరుపుతున్నామని ఆ మధ్య ఒక ఇంటర్వ్యూ లో విఘ్నేష్ ప్రకటించాడు.

తాజాగా విఘ్నేష్ శివన్‌ 'కాతువాకుల రెండు కాదల్‌' సినిమా తో సక్సెస్‌ అవ్వడంతో అజిత్‌ సినిమా వర్క్‌ స్పీడ్‌ పెంచాడు. అతి త్వరలోనే అజిత్‌ తో సినిమాను మొదలు పెట్టాలనే ఉద్దేశ్యంతో విఘ్నేష్ శివన్ ఉవ్విళ్లూరుతున్నాడు. తాజాగా ఈ సినిమా కోసం నటీ నటుల ఎంపిక కార్యక్రమంను చేపట్టాడు. ఈ సినిమా లో విజయ్ సేతుపతి కీలక విలన్ పాత్రకు గాను విఘ్నేష్ శివన్‌ సంప్రదింపులు చేస్తున్నాడట.

విజయ్ సినిమా మాస్టర్ లో విజయ్‌ సేతుపతి విలన్ గా నటించి మెప్పించిన విషయం తెల్సిందే. అందుకే మరో సారి విజయ్ సేతుపతిని విలన్‌ గా చూపించేందుకు విఘ్నేష్ శివన్‌ ప్రయత్నాలు చేస్తున్నాడని సమాచారం అందుతోంది. ఇలా ఇతర స్టార్‌ లను.. స్టార్‌ హీరోలను ఎంకరేజ్ చేయడం లో అజిత్ ముందు ఉంటాడు. తన సినిమా లో విజయ్ సేతుపతి నటించేందుకు ఓకే చెప్పాడట.

ఇటీవలే విజయ్‌ సేతుపతితో కలిసి కాతువాకుల రెండు కాదల్‌ సినిమా కోసం వర్క్‌ చేసిన విఘ్నేష్ శివన్‌ ఇప్పుడు అజిత్‌ సినిమా కోసం మళ్లీ ఆయనతో వర్క్‌ చేసేందుకు సిద్దం అయ్యాడు అంటే ఇద్దరి మద్య ఎలాంటి ర్యాపో ఏర్పడిందో అర్థం చేసుకోవచ్చు. విజయ్ తో ఒక సారి వర్క్ చేసిన వారు మళ్లీ మళ్లీ వర్క్‌ చేయాలనుకుంటారట. విఘ్నేష్ శివన్‌ ను కూడా విజయ్ సేతుపతి అలాగే కట్టిపడేశాడు. అందుకే తదుపరి సినిమాకు కూడా వదిలేదే లే అన్నట్లుగా విజయ్‌ సేతుపతిని విఘ్నేష్ శివన్‌ ఎంపిక చేసుకున్నట్లుగా తెలుస్తోంది.