నయన్ మరో ల్యాండ్ మార్క్ మూవీ

సౌత్ సినిమా ఇండస్ట్రీలో లేడీ సూపర్ స్టార్ గా తనకంటూ ఒక ప్రత్యేకమైన స్టార్ ఇమేజ్ ను సొంతం చేసుకున్న నయనతార ఇటీవల పెళ్లి చేసుకున్న విషయం తెలిసిందే. ఇక పెళ్లి తర్వాత ఈ బ్యూటీ సినిమాలు చేయకపోవచ్చు అని ఆ మధ్య కాలంలో చాలా రకాల వార్తలు వచ్చాయి. కానీ నయనతార భర్త విగ్నేష్ శివన్ కూడా సినిమా ఇండస్ట్రీకి చెందిన దర్శకుడు కావడంతో భార్యకు ఎంతగానో సపోర్ట్ చేస్తున్నాడు.

ఆమె స్టార్ హోదా టాలెంట్ తెలుసు కాబట్టి సినిమాల్లో ఎప్పటిలానే గ్లామరస్ హీరోయిన్ గా కూడా కొనసాగేందుకు అతని నుంచి నయనతారకు ఫ్రీడం వచ్చినట్లు కూడా తెలుస్తోంది. అయితే నయన్ మాత్రం వీలైనంత వరకు పూర్తిగా గ్లామర్ డోస్ పెంచకుండా కంటెంట్ బలంగా ఉన్న పాత్రలో కనిపించాలని అనుకుంటుంది. ఇక ప్రస్తుతం పెళ్లి తర్వాత కూడా మీకు లేడి ఓరియెంటెడ్ ఆఫర్లు అయితే చాలానే వస్తున్నాయి.

ఇటీవల నయనతార బాలీవుడ్ ఇండస్ట్రీలో షారుక్ ఖాన్ తో ఒక బిగ్ బడ్జెట్ సినిమాను మొదలుపెట్టిన విషయం తెలిసిందే. అట్లీ దర్శకత్వంలో తెరకెక్కుతున్న ఆ సినిమాకు జవాన్ అనే టైటిల్ కూడా ఫిక్స్ చేశారు. ఇక ఆ ప్రాజెక్టు అనంతరం ఆమె మరొక ల్యాండ్ మార్క్ సినిమా కూడా త్వరలోనే ప్రేక్షకుల ముందుకు రాబోతోంది.

జీ స్టూడియోస్ నయనతార 75వ చిత్రాన్ని అధికారికంగా ప్రకటించింది. ట్రైడెంట్ ఆర్ట్స్ నాద్ స్టూడియోస్ కూడా ఆ సినిమాను సంయుక్తంగా నిర్మిస్తున్నాయి.

ఆ ప్రాజెక్ట్ కు ప్రముఖ దర్శకుడు శంకర్ షణ్ముగం అసిస్టెంట్ నీలేష్ కృష్ణ డైరెక్ట్ చేయనున్నారు. ఇంకా టైటిల్ సెట్ చేయని ఈ చిత్రంలో నటుడు జై, సత్యరాజ్ కీలక పాత్రలు పోషిస్తున్నారు. త్వరలోనే సినిమా రెగ్యులర్ షూటింగ్ ప్రారంభం కానుంది. ఈ చిత్రానికి సంబంధించిన మరిన్ని వివరాలను త్వరలో ప్రకటిస్తారట.

అలాగే నయనతారతో సినిమాలు చేసేందుకు మరికొన్ని నిర్మాణ సంస్థలు కూడా చర్చలు జరుపుతున్నాయి. కానీ నయన్ తొందరపడకుండా కేవలం తనకు నచ్చిన కంటెండ్ బేసిడ్ కథలను సెలెక్ట్ చేసుకుంటోంది.