నయన్ వెడ్డింగ్ డాక్యుమెంటరీ ప్రోమో వచ్చేసింది..!

లేడీ సూపర్ స్టార్ నయనతార కోలీవుడ్ డైరెక్టర్ విఘ్నేష్‌ శివన్ ని పెళ్లి చేసుకుని వివాహబంధంలో అడుగుపెట్టిన సంగతి తెలిసిందే. జూన్ 9న తమిళనాడులోని మహాబలిపురంలో ఓ హోటల్ రిసార్ట్ ‏లో స్టార్ కపుల్ మ్యారేజ్ అంగరంగ వైభవంగా జరిగింది. ఈ వివాహ వేడుకకు వివిధ సినీ పరిశ్రమలకు చెందిన పలువురు ప్రముఖులు హాజరై నవవధూవరులకు శుభాకాంక్షలు తెలిపారు.

అయితే నయనతార - విగ్నేష్ పెళ్లికి సంబంధించి కొన్ని ఫోటోలు తప్ప ఇతర వీడియోలేవీ బయటకు రాలేదు. ఏ సెలబ్రిటీ కూడా సోషల్ మీడియాలో ఫోటోలు షేర్ చేయలేదు. దీనికి కారణం ఓటీటీ దిగ్గజం నెట్‌ ఫ్లిక్స్ వీరి వివాహ కార్యక్రమాన్ని డాక్యుమెంటరీ రూపంలో ప్రీమియర్ చేయడానికి ఒప్పందం కుదుర్చుకోవడమే.

నయన్ - విగ్నేష్ ల పెళ్లి వీడియో స్ట్రీమింగ్ హక్కులను నెట్ ప్లిక్స్ భారీ ధరకు సొంతం చేసుకుందని తెలుస్తోంది. ఈరోజు దిగ్గజ ఓటీటీ దీనికి సంబంధించిన వీడియో గ్లిమ్స్ ను విడుదల చేసింది. "నయనతార: బియాండ్ ది ఫెయిరీ టేల్" అనే పేరుతో త్వరలోనే స్ట్రీమింగ్ చేయబోతున్నట్లు పేర్కొన్నారు.

విగ్నేష్ - నయనతార ఒకరిపై ఒకరికున్న ప్రేమ మరియు గౌరవాభిమానాల గురించి చెప్పడాన్ని ఈ వీడియోలో చూడొచ్చు. ఈ డాక్యుమెంటరీ వీరి పెళ్లితో పాటుగా జ్ఞాపకాలు - ప్రత్యేక క్షణాలు - వర్కింగ్ ఎక్స్ పీరియన్స్ మరియు అనేక ఇతర విషయాల మ్యాజికల్ జర్నీని చూపించబోతున్నట్లు తెలుస్తోంది.

''మేము ఉత్సాహంగా డ్యాన్స్ చేయడానికి సిద్ధంగా ఉన్నాము. నయనతార: బియాండ్ ది ఫెయిరీ టేల్ త్వరలో నెట్‌ ఫ్లిక్స్‌ లోకి వస్తోంది!'' అని పేర్కొన్న ఓటీటీ ఫ్లాట్ ఫార్మ్.. ప్రీమియర్ తేదీని ఇంకా ప్రకటించలేదు.

ఇకపోతే నయన్ దంపతులతో నెట్ ఫ్లిక్స్ కుదుర్చుకున్న డీల్ ని క్యాన్సిల్ చేసుకుందని ఇటీవల వార్తలు వచ్చాయి. డైరెక్టర్ విఘ్నేష్ శివన్ తమ పెళ్లి ఫోటోలను సోషల్ మీడియాలో షేర్ చేయడంపై నెట్ ‏ఫ్లిక్స్ ఆగ్రహం వ్యక్తం చేసిందని.. ఈ క్రమంలోనే ఇలాంటి నిర్ణయం తీసుకుందని టాక్ వచ్చింది.

అంతేకాదు స్టార్ కపుల్ రూ. 25 కోట్లు తిరిగి చెల్లించాలని నెట్ ఫ్లిక్స్ కోరినట్లుగా చెప్పుకున్నారు. అయితే ఈ రూమర్స్ కు చెక్ పెడుతూ నయన్ - విఘ్నేష్ ప్రీ వెడ్డింగ్ షూట్ కు సంబంధించిన ఫోటోలను సోషల్ మీడియాలో షేర్ చేసింది. నయన్ - విఘ్నేష్ పెళ్లికి సంబంధించిన డాక్యుమెంటరీని డైరెక్టర్ గౌతమ్ మీనన్ రూపొందించారని సమాచారం.