ఫస్ట్ లుక్: పవర్ ఫుల్ గా సిద్ధమ్మ

టాలీవుడ్ లో ప్రస్తుతం సెట్స్ మీద ఉన్న క్రేజీ ప్రాజెక్టులలో మెగాస్టార్ చిరంజీవి నటిస్తున్న 'సైరా' ఒకటి. భారీ బడ్జెట్ తో సురేందర్ రెడ్డి దర్శకత్వంలో తెరకెక్కుతున్న ఈ సినిమాలో మెయిన్ హీరోయిన్ గా ఉయ్యాలవాడ నరసింహారెడ్డి భార్యగా తమిళ స్టార్ హీరో నయనతార నటిస్తోంది. ఈరోజు నయనతార పుట్టిన రోజు. ఈ సందర్భంగా 'సైరా' టీమ్ ఈ సినిమానుండి నయనతార ఫస్ట్ లుక్ ను రిలీజ్ చేశారు.

ఈ పోస్టర్ లో నయనతారకు జన్మదిన శుభాకాంక్షలు తెలిపారు. 'సైరా' లో నయనతార 'సిద్దమ్మ' అనే పాత్ర పోషిస్తోంది. ఇక ఆమె ఫస్ట్ లుక్ విషయానికి వస్తే ఫుల్ గా ఆభరణాలతో అలంకరించుకుని మహారాణిలా ఉంది. కమ్మలు.. ముక్కు పుడకలు.. పాపిడి బిళ్ళ.. మెడలో హారం ఇలా ఒకటేమిటి.. అన్నీ రకాల ఆభరణాలతో కలర్ఫుల్ గా కళకళలాడిపోతోంది. పైటచెంగును తలపై కప్పుకుని ఉంది. ఓవరాల్ గా ఉయ్యాలవాడ నరాసింహారెడ్డిగారికి సరిజోడులా కనబడుతోంది.

భారీబడ్జెట్ పీరియడ్ ఫిలిం కావడంతో 'సైరా' మేకర్స్ అన్ని విషయాల్లో జాగ్రత్తలు తీసుకుంటున్నారట. చిరంజీవి... ఇతర పాత్రధారుల కాస్ట్యూమ్స్ మేకప్ విషయంలో వీలైనంత న్యాచురాలిటీ ఉండేలా జాగ్రత్త పడుతున్నారట. నయనతార లుక్ చూస్తుంటే అది నిజమేననిపిస్తోంది.