మీడియాకు లవ్ ఎక్స్ ప్రెస్ చేసింది

లాంగ్ రన్ కెరీర్ లో స్టార్ హీరొయిన్ గా టాప్ స్టేటస్ ఎంజాయ్ చేస్తున్న నయనతార చేతి నిండా సినిమాలతో ఇప్పటి దాకా ఖాళీ అనేది తన డైరీలో లేకుండా చూసుకుంది. సైరా నరసింహారెడ్డిలో చిరంజీవితో నటించడానికి రెడీ అవుతున్న నయన్ తాజాగా మీడియా కోసం విడుదల చేసిన ఒక లేఖ బాగా వైరల్ అవుతోంది. అభిమానుల ప్రేమ వల్లే ఇంత ఉన్నత స్థితికి చేరుకున్నాను అని చెబుతున్న నయన్ తనను గొప్ప స్థితికి తీసుకెళ్లడంలో మాత్రం మీడియా మిత్రులే కీలక పాత్ర పోషించారని వాళ్ళ గురించి ప్రత్యేకంగా ప్రస్తావించింది. సోషల్ మీడియా - టీవీ - ప్రెస్ - పిఆర్ ఓస్ - రివ్యూ రైటర్స్ - వెబ్ మీడియా ఇలా ప్రతి ఒక్కరికి థాంక్స్ చెబుతూ చాలా సంస్కారవంతంగా నయన్ రాసిన ఈ లేఖ గురించే ఇప్పుడు కోలీవుడ్ లో చర్చ జరుగుతోంది. కారణం ఇంతవరకు ఏ హీరొయిన్ కాదు కదా హీరో సైతం ఇలా మీడియాకు పబ్లిక్ గా థాంక్స్ చెప్పిన దాఖలాలు లేవు.

నయన్ ఇటీవలే నటించిన ఆర్రం సూపర్ హిట్ అయ్యింది. లేడీ ఓరియెంటెడ్ సబ్జెక్ట్ అయిన ఆ మూవీని తమిళనాడులో అద్భుతంగా ఆదరించారు. మీడియా కూడా బాగా సపోర్ట్ చేసింది. నీటి సమస్యను పరిష్కరించే జిల్లా కలెక్టర్ గా నయనతార నటన ప్రతి ఒక్కరి చేత శెభాష్ అనిపించింది. దీన్ని తెలుగులో కర్తవ్యం పేరుతో డబ్ చేసారు కాని రిలీజ్ కి స్లాట్ దొరకక వాయిదా వేస్తూ వస్తున్నారు. నయన్ నటించిన జైసింహ జనవరి 12 విడుదలకు సిద్ధంగా ఉండగా సైరా షూటింగ్ కోసం ఇదే నెల రెండో వారం లో సెట్స్ లోకి అడుగు పెడుతుంది అని మెగా కాంపౌండ్ నుంచి వార్త. అది కనక చేస్తే సౌత్ ఇండియన్ టాప్ స్టార్ హీరోస్ అందరితో కలిసి నటించిన అరుదైన రికార్డ్ నయన్ ఖాతాలో పడిపోతుంది. మీడియాకు థాంక్స్ చెప్పి కొత్త ట్రెండ్ కు శ్రీకారం చుట్టిన నయన్ ను ఎందరు ఫాలో అవుతారో చూడాలి.