టీకా బెస్ట్.. ప్రియుడితో క‌లిసి న‌య‌న్ ..

భార‌త‌దేశంలో వ్యాక్సినేష‌న్ ప్ర‌క్రియ మునుముందు మ‌రింత జోరందుకోనుంద‌న్న ప్రభుత్వాల ప్ర‌క‌ట‌న‌లు కొంత‌వ‌ర‌కూ ఊర‌ట‌నిస్తున్న సంగ‌తి తెలిసిందే. స్వ‌దేశీ విదేశీ వ్యాక్సిన్లు అంద‌రికీ అందుబాటులోకి రానున్నాయన్న‌ది ధీమాను పెంచుతోంది. మ‌రోవైపు క‌రోనా సెకండ్ వేవ్ ప్ర‌భావం త‌గ్గుముఖం ప‌ట్ట‌డంతో పాజిటివ్ వైబ్స్ క‌నిపిస్తున్నాయి.

సామాన్య ప్ర‌జానీకంతో పాటు సెల‌బ్రిటీలు వ్యాక్సినేష‌న్ ప్ర‌క్రియ‌లో ఉన్నారు. టాలీవుడ్ కోలీవుడ్ స‌హా అన్ని ఇండ‌స్ట్రీల్లో ప్ర‌ముఖ తార‌లు వ్యాక్సినేష‌న్ చేయించుకుంటున్నారు. తాజాగా ప్రియుడు విఘ్నేష్ శివ‌న్ తో క‌లిసి చెన్నైలోని ఓ ప్ర‌యివేట్ ఆస్ప‌త్రిలో న‌య‌న‌తార వ్యాక్సినేష‌న్ చేయించుకున్నారు. అందుకు సంబంధించిన ఫోటోల‌ను న‌య‌న‌తార ఇన్ స్టా వేదిక‌గా షేర్ చేశారు.

ప్రస్తుతం కోవిడ్ సెకండ్ వేవ్ వ‌ల్ల చెన్నై స‌హా అన్నిచోట్లా షూటింగుల‌కు బ్రేక్ ప‌డింది. న‌య‌న్ - విఘ్నేష్ కాంబినేష‌న్ మూవీ `కాతు వాకుల రెండు కాద‌ల్` చిత్రీక‌ర‌ణ వాయిదా ప‌డింది. ఈ చిత్రంలో న‌య‌న్ తో పాటు స‌మంత - సేతుప‌తి కీల‌క పాత్ర‌లు పోషిస్తున్న సంగ‌తి తెలిసిందే. ర‌జ‌నీ స‌ర‌స‌న - అన్నాథే చిత్రంలోనూ న‌య‌న్ క‌థానాయిక‌. నేట్రిక‌న్ అనే వేరొక చిత్రంలోనూ న‌టిస్తున్నారు.