చిరు 150.. హీరోయిన్ డేట్స్ ఇచ్చేసింది

మెగాస్టార్ చిరంజీవి 150వ సినిమా ఏంటో ఇప్పటికే ఫిక్స్ అయిపోయింది. కోలీవుడ్ మూవీ కత్తి రీమేక్ ని ఏప్రిల్ లో స్టార్ట్ చేసేయనున్నారు చిరంజీవి. వివి వినాయక్ డైరెక్షన్ లో కత్తి రీమేక్ రూపొందనుంది. మరి ఈ మూవీలో హీరోయిన్ ఎవరనే క్వశ్చన్ ఇన్నాళ్లూ ఎదురైంది కానీ.. ఇప్పుడు క్లారిటీ వచ్చేసింది. తన పక్కన హీరోయిన్ గా నటించేందుకు.. చిరు ఇద్దరు - ముగ్గురు హీరోయిన్ల పేర్లను గతంలోనే ప్రకటించారు.

ఇప్పుడీ చిత్రంలో హీరోయిన్ ఎవరో ఫైనల్ అయిపోయింది. సౌత్ లో సూపర్ ఫాంలో ఉన్న నయనతారను చిరు హీరోయిన్ గా పైనల్ చేసేశారు. ఇప్పటికే నయన్ ను అడగడం, ఆమె ఓకే చెప్పేయడం కూడా అయిపోయింది. అంతే కాదు.. కత్తి షూటింగ్ కి సంబంధించి.. నయన్ తన డేట్స్ కూడా ఇచ్చేసినట్లు తెలుస్తోంది. మే నెల నుంచి చిరు మూవీ షూటింగ్ లో పాల్గొననుంది నయనతార. చిరంజీవి, నయనతార కాంబినేషన్ సూపర్బ్ అంటూ గతంలోనే ఫ్యాన్స్ చెప్పేసుకున్నారు కూడా. ఇప్పుడిదే ఫైనల్ కావడంతో.. వాళ్లు మరింత హ్యాపీగా ఉన్నారు.

ప్రస్తుతం వెంకటేష్ మూవీ బాబు బంగారం షూటింగ్ లో ఉన్న నయనతార.. మే నెల నుంచి మెగాస్టార్ మూవీలో భాగం కానుంది. చిరు రాక కోసం అత్రంగా ఎదురుచూస్తున్న మెగాభిమానులకు.. ఇప్పుడిదో హాట్ న్యూస్ అయిపోయింది.