ఇది న‌య‌న‌తార బ‌యోపిక్ అనుకోవ‌చ్చా!

అగ్ర క‌థానాయిక న‌య‌నతార ప్రేమాయ‌ణాలు గురించి చెప్పాల్సిన ప‌నిలేదు. శింబుతో ల‌వ్ బ్రేక‌ప్ అనంత‌రం ప్ర‌భుదేవాతో ప్రేమాయ‌ణం విఫ‌ల‌మ‌వ్వ‌డం తెలిసిందే. అటుపై ద‌ర్శ‌కుడు విఘ్నేష్ శివ‌న్ తో పీక‌ల్లోతు ప్రేమ‌లో ప‌డింది. ప్ర‌స్తుతం విఘ్నేష్ తో డీప్ ల‌వ్ లో ఉంది. త్వ‌ర‌లో పెళ్లితో ఈ జంట ఒక‌టి కాబోతున్నారన్న ప్ర‌చారం చాలా కాలంగా సాగుతోంది. తాజాగా ఆ ఇద్ద‌రూ ఆన్ స్క్రీన్ రొమాన్స్ కి సిద్ధ‌మ‌వుతుండ‌డం ఆస‌క్తిని రేకెత్తిస్తోంది. ఆ ఇద్దరి రియ‌ల్ రొమాన్స్ ని రీల్ రొమాన్స్ గా తెర‌పై చూపించే ప్ర‌య‌త్నాలు చేస్తున్నార‌ట‌. చ‌డీ చ‌ప్పుడు లేకుండా న‌య‌న్-విఘ్నేష్ ల ప్రేమ క‌థ‌ను సినిమాగా తెర‌కెక్కించి స‌ర్ ప్రైజ్ చేస్తున్నార‌ట‌. ఇది ఒక ర‌కంగా అందాల న‌య‌న‌తార జీవిత‌క‌థ‌తో తెర‌కెక్కుతున్న సినిమా. అందువ‌ల్ల న‌యన్ బ‌యోపిక్ ఇలా చ‌ప్పుడు లేకుండా ప్లాన్ చేశారు అన్న గుస‌గుస‌లు వేడెక్కిస్తున్నాయి.

న‌య‌న్ తొలి రెండు ప్రేమ‌క‌థ‌ల సంగ‌తి వ‌దిలేస్తే ప్ర‌స్తుతం కొన‌సాగుతున్న ప్రేమ క‌థ‌నే మూల క‌థాంశంగా ఎంచుకున్నార‌ని తెలుస్తోంది. `త్రీ ఈజ్ ఏ కంపెనీ` అనే బ్యాన‌ర్ ఈ చిత్రాన్ని నిర్మిస్తోంది. `నానుమ్ సింగిల్ దాన్` అనేది సినిమా టైటిల్. ఇందులో విఘ్న‌ష్ శివ‌న్ పాత్ర‌లో దినేశ్ న‌టిస్తున్నాడు. న‌య‌న‌తార పాత్ర‌లో దీప్తి న‌టిస్తోంది. అసలు న‌య‌న్ ప్రేమ క‌థ‌ను సినిమాగా మ‌ల‌చాలి అన్న ఐడియా ఎవ‌రికి వ‌చ్చింది? అంటే గోపీ అనే కొత్త ద‌ర్శ‌కుడి ఐడియా ఇది అని తెలుస్తోంది. త‌నే స్వ‌యంగా క‌థను సిద్దం చేసి ద‌ర్శ‌క‌త్వం వ‌హిస్తున్నాడు.

త‌మిళ‌నాడు లో న‌య‌న‌తార‌కు ఉన్న క్రేజ్ ను ఎన్ క్యాష్ చేసుకునే ప్ర‌య‌త్నంలో భాగంగా ఈ సినిమా చేస్తున్నామ‌ని ద‌ర్శ‌కుడు గోపీ తెలిపాడు. ఇద్ద‌రి ప్రేమ క‌థ చాలా ఇంట్రెస్టింగ్ గా ఉంటుంద‌ని... ఇద్ద‌రి రొమాన్స్ సినిమాలో ఆస‌క్తిక‌రంగా చూపిస్తున్న‌ట్లు రివీల్ చేసాడు. సినిమాలో హీరో ల‌క్ష్యం న‌య‌న‌తార లాంటి పాపులారిటీ ఉన్న అమ్మాయిని ప్రేమించి పెళ్లాడ‌టమే టార్గెట్ గా క‌నిపిస్తాడుట‌. ఈ పాయిట్ కు న‌య‌న్-విఘ్నేష్ ల ప్రేమ క‌థ‌ను జోడించి ఆద్యంతం ఆస‌క్తిక‌రంగా తెర‌కెక్కించారుట‌.