నయన్ సినిమా మూడు గెలుచుకుంది

సినిమా పరిశ్రమకు వచ్చి దశాబ్దం దాటినా కూడా ఇంకా హీరొయిన్ గా టాప్ లీగ్ లో ఉండటం అంటే చిన్న విషయం కాదు. హీరోలకు ఏజ్ లాక్ ఉండదు కాని హీరొయిన్లు ఎంత పెద్ద రేంజ్ కు చేరుకున్నా కొంత కాలం అయ్యాక పక్కకు జరగక తప్పదు.ఈ సాంప్రదాయానికి భిన్నంగా ఇంకా స్టార్ స్టేటస్ ని కాపాడుకుంటూ యూత్ హీరోల సరసన కూడా సినిమాలు చేస్తున్న నయనతార నటించిన తెలుగు సినిమా జైసింహ రేపు విడుదల కానుండగా - చిరు తో నటిస్తున్న సైరా షూటింగ్ వచ్చే నెల నుంచి మొదలుపెట్టనున్నారు. ఈ మధ్యే నయనతార తమిళ్ లో అర్రం అనే సినిమా ఒకటి చేసింది. గ్రామాల్లో, కరువు ప్రాంత్రాల్లో నీటి కోసం జనం పడే కష్టాలను ఒక మహిళా కలెక్టర్ ఎలా ఎదుర్కుంది అనే పాయింట్ మీద తీసిన ఈ మూవీకి మంచి అప్లాజ్ దక్కడమే కాదు కమర్షియల్ గా భారీ విజయం అందుకుంది.

ఈ సినిమాను తెలుగులో కర్తవ్యం పేరుతో డబ్ చేసి రెడీగా ఉంచారు. కాని సరైన రిలీజ్ స్లాట్ దొరకకపోవడంతో వాయిదా వేస్తూ వస్తున్నారు. తాజాగా అర్రం సినిమాకు మూడు ప్రతిష్టాత్మక అవార్డులు వచ్చాయి. వికటన్ పేరుతో ఈ అవార్డులకు తమిళ్ లో చాలా గుర్తింపు ఉంది. ఇది తమకు వచ్చిందంటే ఎంతో గర్వంగా ఫీల్ అవుతారు కోలీవుడ్ నటీనటులు. టాప్ 4 క్యాటగిరీస్ లో ఒక్క బెస్ట్ హీరో తప్ప మిగిలిన మూడు అర్రం మూవీ గెలుచుకోవడం విశేషం. అది ఒక్కటి మెర్సల్ సినిమాకు గాను విజయ్ కి ఇచ్చారు . ఉత్తం చిత్రం - ఉత్తమ దర్శకుడు - ఉత్తమ నటి మొత్తం మూడు అర్రంకే వరించడం మంచి సినిమాకు దక్కిన గుర్తింపుగా ఫాన్స్ అభిప్రాయపడుతున్నారు.

కర్తవ్యంగా తెలుగులో వస్తున్న ఈ అర్రం చూడాలంటే మరికొన్ని రోజులు వెయిట్ చేయక తప్పదు. జైసింహ రిజల్ట్ మీద చాలా కాన్ఫిడెంట్ గా ఉన్న నయన్ చిరుతో చేయబోయే సైరాతో దాదాపు సౌత్ ఇండియన్ జూనియర్ అండ్ సీనియర్ స్టార్ హీరోస్ తో నటించిన అరుదైన ఘనత దక్కించుకుంటుంది. గ్యాంగ్ దర్శకుడు విగ్నేష్ శివన్ తో పీక్కల్లోతు ప్రేమలో మునిగింది అని నయనతార గురించి ఇప్పటికే పలు వార్తలు ప్రచారంలో ఉన్నాయి.