కమల్ ని ముట్టనంటే ఒప్పుతాడా?

మన దేశంలో సినీ పరిశ్రమ గురించి ఓ పుస్తకం రాస్తే.. అందులో కొన్ని పేజీలు తప్పనిసరిగా కమల్ హాసన్ కు కేటాయించాల్సిందే. ఇండియన్ ఫిలిం ఇండస్ట్రీలో అంతటి ప్రాముఖ్యత కలిగిన కమల్ హాసన్ కు.. తన సినిమాల్లో లిప్ లాక్ చేసే అలవాటు చాలానే ఉంది. ఏ ఎమోషన్ ను అయినా పండించేసే కమల్.. ఎంత వయసు వచ్చినా మూతి ముద్దులు పెడుతూనే ఉంటారు.

ఎవరో కొందరు మినహాయిస్తే దాదాపుగా తనతో నటించిన భామలు అందరికీ ముద్దులు పెట్టేశారాయన. కానీ ఇప్పుడు వినిపిస్తున్న ఓ ప్రాజెక్టు డీటైల్స్ మాత్రం ఆసక్తి కలిగిస్తున్నాయి. ప్రస్తుతం రోబో సీక్వెల్ 2.ఓ రూపొందిస్తున్న ధర్శకుడు శంకర్.. ఆ తర్వాత భారతీయుడు చిత్రానికి సీక్వెల్ చేయనున్నట్లు ఇండికేషన్ ఇచ్చేశాడు. ఈ సినిమాలో హీరోయిన్ గా నటించేందుకు నయనతారను అడిగారట. ఆమె నుంచి కూడా సానుకూల స్పందనే వచ్చినట్లు తెలుస్తోంది. ప్రస్తుతం మాటల దశలోనే ఉన్న ఈ ప్రాజెక్టు వాస్తవరూపం దాల్చడానికి మరో ఆరు నెలలకు పైగానే పట్టనుంది. అయితే.. నయనతార గతంలో లిప్ లాక్స్ తో సహా అన్ని సీన్స్ ను బాగానే చేసింది కానీ.. ఈ మధ్య మాత్రం హీరోలతో అంటీముట్టని సీన్స్ కు మాత్రమే యాక్సెప్ట్ చేస్తోంది.

కవ్వించే డ్యాన్సులు.. హీరోలతో క్లోజప్ సన్నివేశాలు చేయనని తెగేసి చెబుతోంది. రీసెంట్ గా జైసింహా మూవీలో ఈ సంగతి గమనించవచ్చు. మరి ముద్దుల విషయంలో ఏ మాత్రం తగ్గని కమల్ కు.. ముట్టుకునేందుకే ఒప్పుకోని నయన్ కు ఎలా పొంతన కుదురుతుందో?