చిరు సరసన రెండో ఛాన్స్ కొట్టేసిందా ?

సైరా నరసింహారెడ్డిలో మెగాస్టార్ చిరంజీవితో మొదటిసారి జోడి కట్టిన నయనతార మరోసారి ఆయనతో జంట అయ్యే ఛాన్స్ ఉందని ఫిలిం నగర్ అప్ డేట్. కొరటాల శివ దర్శకత్వంలో రూపొందబోయే చిరు 152లో మెయిన్ హీరోయిన్ గా నయన్ పేరే గట్టిగా వినిపిస్తోంది. ఈ మేరకు కథ వినిపించడం అటువైపు నుంచి పాజిటివ్ సిగ్నల్ రావడం జరిగిపోయాయట. ఇదే కనక నిజమైతే వరసగా చిరుతో రెండు సారి నటించిన ఛాన్స్ దక్కినట్టే.

డ్యూయల్ రోల్ చేస్తున్న చిరుకి ఇంకో హీరోయిన్ వేటలో శివ బిజీగా ఉన్నాడు. అనుష్క-శృతి హాసన్ అంటూ రెండు మూడు పేర్లు వినిపిస్తున్నాయి కానీ ఖరారు కావడానికి కొంత టైం పట్టేలా ఉంది. నయన్ బాలయ్యతో ఇప్పటిదాకా మూడు సినిమాల్లో- నటించింది. సింహా-శ్రీరామరాజ్యం-జైసింహలో మంచి రోల్స్ దక్కించుకుంది. వెంకటేష్ తో లక్ష్మి నాగార్జునతో బాస్ ఇలా సీనియర్లతో చెప్పుకోదగ్గ సినిమాలు చేసిన నయన్ ఇప్పటిదాకా చిరు ఒక్కరితోనే యాక్ట్ చేయలేదు ఇప్పుడు ఇది నిజమైతే తనకు డబుల్ బొనాంజా అనే చెప్పాలి.

ప్రస్తుతం నయన్ మురుగదాస్ దర్శకత్వంలో రజని చేస్తున్న దర్బార్ లో బిజీగా ఉంది. మరోవైపు విజయ్ తో చేస్తున్న బిగిల్ ఫినిషింగ్ స్టేజిలో ఉంది. కొరటాల శివ సినిమా కనక వచ్చే నెలలోపు స్టార్ట్ అయితే నయన్ డేట్స్ దొరికే ఛాన్స్ ఉంది. ఎలాగూ సైరాతో చిరు కాంబినేషన్ ఓసారి చేసేసింది కాబట్టి లుక్స్ పరంగా జోడి ఎలా ఉంటుంది అనే క్లారిటీ వచ్చినట్టే. అప్పుడెప్పుడో విజయశాంతి రాధ లాంటి హీరోయిన్లు ఇలా వరసగా చిరుతో చేసే ఛాన్స్ కొట్టేసేవాళ్ళు. మళ్ళీ ఇప్పుడు నయన్ కు అలాంటి అవకాశం దక్కడం విశేషమే.