ఈ సెల్ఫీని రెడ్ఫీ అనాలా న‌య‌న్ఫీ అనాలా?

చాలా ఊహాగానాలు రూమ‌ర్ల త‌ర్వాత ఎట్ట‌కేల‌కు పెళ్లి బంధంతో ఒక‌ట‌య్యారు నయనతార- విఘ్నేష్ శివన్ జోడీ. జూన్ 9 న చెన్నై సమీపంలోని మహాబలిపురంలోని ఒక ప్రైవేట్ రిసార్ట్ లో వివాహం చేసుకున్నారు. ఈ వివాహానికి రజనీకాంత్- షారూఖ్ ఖాన్- విజయ్- అజిత్- అట్లీ తదితరులు హాజరయ్యారు.

ప్ర‌స్తుతం హనీమూన్ కోసం ఈ జంట‌ థాయ్ లాండ్ లో ఉన్నారు. ఈ నెల ప్రారంభంలో వివాహానంత‌రం నూతన వధూవరులు హ‌నీమూన్ కోసం థాయ్ విహారానికి వెళ్లారు. ఇప్ప‌టికే స్పాట్ నుంచి ఫోటోల బంచ్ రిలీజ్ కాగా అంత‌ర్జాలంలో వైర‌ల్ గా మారాయి. దర్శకుడు విఘ్నేష్ తన ఇన్ స్టాగ్రామ్ లో న‌య‌న‌తార‌తో రొమాంటిక్ లైఫ్ కి సంబంధించిన అరుదైన ఫోటోల‌ను షేర్ చేస్తుంటే నెట్ లో దూసుకుపోతున్నాయి. విక్కీ క్లిక్‌లు బెస్ట్ అంటూ అభిమానులు పొగిడేస్తున్నారు.

ఇంత‌లోనే న‌య‌న‌తార షేర్ చేసిన స్పెష‌ల్ సెల్ఫీ అంత‌ర్జాలాన్ని షేక్ చేస్తోంది. రెడ్ ఫోన్ .. రెడ్ హ్యాండ్ బ్యాగ్ కాంబోతో న‌య‌న్ ఇచ్చిన ఫోజులు హీటెక్కించాయి. వైట్ స్వెట్ ష‌ర్ట్ బ్లూ డెనిమ్స్ లో ఎంతో సింపుల్ గా క‌నిపించిన న‌య‌న‌తార రెడ్ మినీ బ్యాగ్ ని ధ‌రించి కాంబినేష‌న్ గా రెడ్ క‌ల‌ర్ ఫోన్ తో అలా సెల్ఫీలు దిగుతున్న తీరు ఆక‌ర్షించింది.

అయితే ఆ సమయంలో విఘ్నేష్ త‌న ప్రేయ‌సి కం వైఫ్‌ నయనతారను కెమెరాలో క్లిక్ చేస్తూ ఇలా బంధించాడు. మొత్తానికి అక్క‌డ ఏం జ‌రుగుతోందో తెలుసుకోవాల‌ని అభిమానుల్లో త‌ప‌న పెరిగేలా చేసాడు. థాయ్ లాండ్ లో గుట్టు ఏమిటో విప్పండి ప్లీజ్ అంటూ ఇప్పుడు అభిమానులు అత‌డిని అడిగేస్తున్నారు.

కెరీర్ మ్యాట‌ర్ కి వస్తే.. నయనతార తదుపరి షారుఖ్ ఖాన్ - అట్లీ కాంబినేష‌న్ మూవీ `జవాన్` లో క‌నిపిస్తుంది. న‌య‌న్ కి హిందీ లో డెబ్యూ మూవీ ఇది. అత్యంత భారీగా తెర‌కెక్కుతోంది.

సైరా త‌ర్వాత‌ చిరంజీవితో గాడ్ ఫాదర్ లో న‌టిస్తోంది. ఇందులో త‌న‌ది సిస్ట‌ర్ పాత్ర అన్న టాక్ ఉంది. పృథ్వీరాజ్ సుకుమారన్ తో `గోల్డ్‌`లో కనిపించనుంది. విఘ్నేష్ ద‌ర్శ‌క‌త్వం వ‌హించే సినిమాలు కూడా క్యూలో ఉన్నాయి.