జైసింహాలో నయన్ కొత్త యాంగిల్

సౌత్ బ్యుూటీ నయనతారకు.. కోలీవుడ్ లో సూపర్ స్టార్ ఇమేజ్ ఉంది. టాలీవుడ్ కి వచ్చేసరికి ఆ రేంజ్ అయితే లేదు కానీ.. అమ్మడికి డిమాండ్ ఎక్కువే. తెలుగులో ఈమెకు మిగతా హీరోలతో పోల్చితే.. నందమూరి బాలకృష్ణతో చేసిన సినిమాల విషయంలో సక్సెస్ రేటు బాగా ఉంది.

జనవరి 12న విడుదల కానున్న జైసింహాకు పాజిటివ్ అంశాలలో నయనతారను కూడా చేర్చడానికి ఇదే కారణం. అయితే.. ఇప్పటివరకూ విడుదల చేసిన పోస్టర్లను చూస్తే.. జైసింహాలో నయన్ కూడా ఓ హీరోయిన్ అంతే అనుకున్నారంతా. కానీ తాజాగా ఈ మూవీలో నయన్ సీరియస్ లుక్ కి సంబంధించిన ఓ పోస్టర్ ఆసక్తి కలిగిస్తోంది. నయనతార బోలెడంత క్రోధంతో నడిచివస్తున్నట్లు.. పక్కన బాలయ్య మౌనంగా కనిపిస్తున్న ఈ లుక్ చూస్తుంటే.. వారిద్దరి ఫ్లాష్ బ్యాక్ కి సంబంధించిన ఏదో అంశాన్ని నయన్ సీరియస్ నెస్ ఇంకా కంటిన్యూ చేస్తోందని అనిపించక మానదు.

సమరసింహా రెడ్డి మూవీలో అంజలా జవేరి ఇదే రకంగా హీరోపై కక్ష సాధింపులకు పాల్పడుతుంది. అలాగే ఈ సినిమా చేసేందుకు డేట్స్ లేవని చెప్పిన నయన్.. ఈ కేరక్టర్ గురించి తెలిసిన తర్వాత డేట్స్ అడ్జస్ట్ చేసి మరీ మూవీ చేసిందని జైసింహా మేకర్స్ చెప్పిన సంగతి తెలిసిందే. సీరియస్ గా నయన్ లుక్.. గతంలో అచ్చొచ్చిన ఫార్మాట్.. క్యారెక్టర్ కోసం నయన్ కాంప్రమైజ్ కావడం.. ఇవన్నీ ఓచోటకు చేర్చితే.. జైసింహాలో నయనతార రోల్ ఎంతటి ఫవర్ ఫుల్లో ఊహించుకోవచ్చు.