#అఖండ రోరింగ్.. NBK బ‌ర్త్ డే గిఫ్ట్ ఎలా ఉంటుందో?

కెరీర్ లో ఎన్న‌డూ లేనంత‌గా శ్ర‌మిస్తున్నారు న‌ట‌సింహా నంద‌మూరి బాల‌కృష్ణ‌. ఎట్టి ప‌రిస్థితిలో బాల‌య్య‌కు హ్యాట్రిక్ హిట్ ఇవ్వాల‌న్న పంతంతో ఉన్నారు బోయ‌పాటి. సింహా-లెజెండ్ త‌ర్వాత మ‌రో బ్లాక్ బ‌స్ట‌రే ధ్యేయంగా ఈ జోడీ ఎంతో శ్ర‌మిస్తున్నారు. ఎన్న‌డూ లేనంత‌గా బాల‌య్య న‌దులు కొండ‌లు కోన‌లు అడ‌వుల్లోకి వెళ్లి సాహ‌సాలు చేసిన సినిమా కూడా ఇదే. క‌ర్నాట‌క దండేలి అర‌ణ్యంలో న‌దీజ‌లాల్లో అత్యంత కాంప్లికేటెడ్ అనిపించే రివ‌ర్ రాఫ్టింగ్ కూడా చేశారు.

అందుకే ఈసారి అఖండ‌లో సంథింగ్ ఏదో కొత్త‌గా ట్రై చేస్తున్నారేమో అనే ఆస‌క్తి అంద‌రిలోనూ ఉంది. జూన్ 10న నటసింహం నందమూరి బాలకృష్ణ పుట్టినరోజు సంద‌ర్భంగా అఖండ టీమ్ ఎలాంటి కానుక ఇవ్వ‌బోతోంది? అన్న‌ది అభిమానుల్లో ఆస‌క్తిగా మారింది.

ఒక‌రోజు ముందే బాలయ్య బర్త్ డే పోస్టర్ ను విడుదల చేయనున్నట్టు టీమ్ ప్ర‌క‌టించింది. 09జూన్ సాయంత్రం 4 గంటల 36 నిమిషాలకు ఈ పోస్ట‌ర్ రిలీజ్ కానుంది. అఖండ బ‌ర్త్ డే రోర్ ..అంటూ ద్వార‌కా క్రియేష‌న్స్ సంబ‌రాలు మొద‌లెట్టింది. అలాగే ఫ్యాన్స్ బోలెడంత సంద‌డి చేస్తున్నారు. జై బాల‌య్య అంటూ ఫ్యాన్స్ సింహం ఈమోజీల్ని షేర్ చేస్తున్నారు. ఈ హంగామా మునుపెన్న‌డూ లేనిది. అయితే కోవిడ్ వ‌ల్ల బ‌హిరంగంగా సెల‌బ్రేష‌న్ చేసుకోలేని స‌న్నివేశం ఉంది.

ఈ క్రేజీ మూవీలో శ్రీకాంత్ విలన్ గా నటిస్తుండగా… ప్రగ్యా జైస్వాల్ - పూర్ణ నాయిక‌లుగా కనిపించనున్నారు. ఈ చిత్రాన్ని మిరియాల రవీందర్ రెడ్డి నిర్మిస్తున్నారు.