#NBK107 పుట్టినరోజు స్పెషల్ అదిరిందిగా

నటసింహ నందమూరి బాలకృష్ణ .. మాస్ `క్రాక్` డైరెక్టర్ గోపీచంద్ మలినేని కాంబినేష‌న్ లో టాలీవుడ్ బ‌డా నిర్మాణ సంస్థ మైత్రీ మూవీ మేకర్స్ నిర్మిస్తున్న #NBK107 అత్యంత భారీగా తెర‌కెక్కుతున్న సంగ‌తి తెలిసిందే. భారీ మాస్ యాక్ష‌న్ ఎంటర్ టైనర్ ను అందించే లక్ష్యంతో టీమ్ అహోరాత్రులు శ్ర‌మిస్తోంది.

ఇంత‌లోనే ఫస్ట్ హంట్ వీడియోతో అభిమానులను ఆటపట్టించిన టీమ్.. ఈ రోజు ఎన్బీకే పుట్టినరోజు స్పెషల్ పోస్టర్ ను విడుదల చేసింది. ఈ ప్రత్యేక సందర్భంలో డబుల్ ట్రీట్ అందించే ప్ర‌య‌త్నమిది.

బాలకృష్ణ ఈ మూవీలో ఎదురేలేని వాడిగా క‌నిపించ‌నున్నారు. ప్ర‌జ‌ల కోసం ఎంత‌దాకా అయినా వెళ్లే జెంటిల్మ‌న్ గా ఈ చిత్రంలో అత‌డు క‌నిపిస్తార‌ని స్పష్టమ‌వుతోంది. ఎన్బీకే ఎంతో సంతోషకరమైన చిరునవ్వుతో మ్యాన్లీ లుక్ తో క‌నిపిస్తున్నారు.

అత‌డు బ్యాచ్ ని లీడ్ చేస్తూ మాస్ లీడర్ గా కనిపిస్తున్నాడు. అతని లుక్ రగ్ డ్ గా మాసీగా ఉన్నా కానీ ఆ నడక శైలిలో రాయల్టీ ఆక‌ట్టుకుంటోంది. ఇది పర్ఫెక్ట్ బర్త్ డే పోస్టర్ అనడంలో ఎలాంటి సందేహం లేదు. బాలకృష్ణ అభిమానులకు మాస్ ఫీస్ట్ ఈ సినిమా అని ప్రామిస్ చేస్తోంది.

ఈ సినిమా టీజర్ యూట్యూబ్ లో రికార్డ్ వ్యూస్‌తో టాప్ ట్రెండింగ్‌లో ఉంది. వీడియో ఇప్పటికే 60 ల‌క్ష‌ల (6 మిలియన్) రియల్ టైమ్ వీక్షణలను పొందింది. ఎన్బీకే పాత్రను పవర్ ఫుల్ గా డిజైన్ చేసిన దర్శకుడు గోపీచంద్ మలినేని లుక్స్ విషయంలోనూ ప్రత్యేక శ్రద్ధ తీసుకున్నారు. శ్రుతి హాసన్ కథానాయికగా నటిస్తున్న ఈ చిత్రంలో దునియా విజయ్- వరలక్ష్మి శరత్ కుమార్ కీలక పాత్రలు పోషిస్తున్నారు. థమన్ సంగీతం అందిస్తుండ‌గా..- రిషి పంజాబీ సినిమాటోగ్రఫీ అందిస్తున్నారు.

నవీన్ యెర్నేని- వై రవిశంకర్ ఈ చిత్రాన్ని భారీ ఎత్తున నిర్మిస్తున్నారు. ప్రఖ్యాత రచయిత సాయి మాధవ్ బుర్రా డైలాగ్స్ అందించగా.. నేషనల్ అవార్డ్ విన్నింగ్ క్రాఫ్ట్స్ మెన్ నవీన్ నూలి ఎడిటింగ్ వ‌ర్క్ ని.. ఎఎస్ ప్రకాష్ ప్రొడక్షన్ డిజైనింగ్ వ‌ర్క్ ని అందిస్తున్నారు. రామ్-లక్ష్మణ్ ద్వయం ఫైట్స్ రూప‌క‌ల్ప‌న చేస్తున్నారు. ఈ చిత్రానికి చందు రావిపాటి ఎగ్జిక్యూటివ్ నిర్మాత‌గా వ్య‌వ‌హ‌రిస్తున్నారు.