టీజర్ టాక్: నీది నాదీ ఒకే కథ

ప్రస్తుతం టాలీవుడ్ లో తనకంటూ ఒక గుర్తింపు తెచ్చుకున్న శ్రీ విష్ణు ఇప్పుడు మరో కొత్త కథతో వస్తున్నాడు. వినూత్న కథలతో ప్రేక్షకులను పలకరిస్తున్నాడు. అయితే ఈ సారి అందరిని ఆకర్షించేలా ఒక కామన్ లైన్ తో గట్టిగా అరిచేస్తున్నాడు. అందుకు సంబందించిన టీజర్ ని కూడా ఈ కుర్ర హీరో రిలీజ్ చేశాడు. 'నీది నాదీ ఒకే కథ' అనే ఆ కథ టీజర్ ప్రస్తుతం ఆడియన్స్ ను బాగా ఆకట్టుకుంటోంది.

పుత్రోత్సాహం తండ్రికి పుత్రుడు జన్మించినప్పుడే పుట్టదు.. జనుల పుత్రుని కనుగొని పొగడగ పుత్రోత్సహంబు నాడు పొందుర సుమతి.. అంటూ చిన్నప్పుడు విన్న పద్యంతో టీజర్ మొదలయ్యింది. ఈ ఒక్క లైన్ తో దర్శకుడు వేణు సినిమా కంటెంట్ మొత్తాన్ని ముందే చెప్పశాడు అని తెలుస్తోంది. అయితే సినిమా లో శ్రీ విష్ణు ఈ సారి కొత్తగా కనిపిస్తున్నాడు. ఇక డైలాగ్స్ కూడా చాలా బాగున్నాయి. చదువు రాని యువకుడు.. చదువు వల్ల ఒత్తిడి గురయ్యే పాత్రలో శ్రీ విష్ణు కనిపిస్తున్నాడు. అంతే కాకుండా మనోడు పూర్తి స్థాయి రాయలసీయ యాసలో మాట్లాడటం బాగుంది.

ఇక చివరలో వచ్చిన డైలాగ్ కొంచెం ఆలోచింపజేస్తోంది. మరి ఈ సినిమా అందరిని ఆకట్టుకుంటుందో లేదో చూడాలి. ప్రస్తుతం షూటింగ్ చివరి దశలో ఉంది. త్వరలో మిగిలిన పనులను పూర్తి చేసి వీలైనంత త్వరగా ట్రైలర్ ని రిలీజ్ చేస్తారట. ఇక సినిమాను నారా రోహిత్ నిర్మిస్తుండగా వేణు దర్శకత్వం వహిస్తున్నాడు. తమిళ్ హీరోయిన్.. బిచ్చగాడు ఫేం శాట్నా టైటస్ ఇందులో కథానాయిక. అది సంగతి.