నీవే నీవే.. మెల్లగా ఎక్కేస్తున్నావే!!

టాలీవుడ్ లో మ్యూజిక్ వీడియోల సంస్కృతి కాస్త తక్కువే. ఎప్పుడో మొదలైనా.. ఇంకా ఫుల్ ప్లెడ్జెడ్ గా ఈ టైపు మ్యూజిక్ వీడియోలు అంతగా రావడం లేదు. అలా వచ్చిన వాటిలో చాలావరకు రిజిస్టర్ కావడం లేదు. కానీ రీసెంట్ గా విడుదలైన 'నీవే' వీడియో సాంగ్ కు మాత్రం విపరీతమైన రెస్పాన్స్ వస్తోంది.

మెల్ల మెల్లగా షేరింగ్స్ పెరుగుతున్నాయ్.. జనాల్లోకి వెళుతోంది.. నాలుగు రోజుల్లోనే మ్యూజిక్ లవర్స్ నోళ్లలో హమ్మింగ్ చేసే రేంజ్ కి నీవే సాంగ్ వెళ్లిపోయిందంటే.. ఇందుకు రీజన్ ఆ సాంగ్ కంపోజిషన్. శ్రేయా దేశ్ పాండ్.. నిరంజన్ హరీష్ ల యాక్టింగ్ ఎంత ఆకట్టుకుందో.. విశ్వకిరణ్ కొరియోగ్రఫీ ఏ రేంజ్ లో కట్టి పడేస్తుందో.. క్లాసికల్ రేంజ్ లో డైరెక్టర్ కం సినిమాటోగ్రాఫర్ గోంతేష్ ఉపాధ్యాయ్ పిక్చరైజ్ చేసిన తీరు అంతగా ఆకట్టుకుంటుంది.

శ్రీజో రాసిన పాటకు యాజిన్ నజీర్.. సమీరా భరద్వాజ్ లు తమ గాత్రం ద్వారా ప్రాణం పోసేశారు. వీళ్లందరి కంటే ఎక్కువగా మ్యూజిక్ డైరెక్టర్ ఫణి కళ్యాణ్ గురించే చెప్పుకోవాలి. టాలీవుడ్ లో టాప్ హిట్ మెలోడీస్ లో ఇది ఒకటిగా మిగిలిపోవడం ఖాయమని అంటున్నారంటే.. నీవే సాంగ్ మ్యూజిక్ లవర్స్ కి ఏ రేంజ్ లో నచ్చేస్తోందో అర్ధం చేసుకోవచ్చు. ఈ ఫణికళ్యాణ్... ఏఆర్ రెహమాన్ కేమ్ మ్యూజిక్ కన్సర్వేటరీ నుంచి వచ్చిన వాడు కావడం గుర్తుంచుకోవాల్సిన విషయం.

ముఖ్యంగా దర్శక-నిర్మాత మధుర శ్రీధర్ ఈ వీడియో షేర్ చేయడం.. తరువాత ఆయన ఈ సంగీత దర్శకుడికి ఒక సినిమాను కూడా ఆఫర్ చేసేయడంతో.. ఈ వీడియో మరీ వైరల్ అయిపోయింది. ఆ తరువాత హీరో నాని కూడా ఈ వీడియో షేర్ చేశాడులే.



Like Us on Facebook : https://www.facebook.com/Tupakidotcom/