ఫేమస్ లవర్ కు నెగెటివ్ సెంటిమెంట్!

చాలామంది మాకేమీ సెంటిమెంట్లు లేవని అంటుంటారు. నిజానికి అధికశాతం జనాలు సెంటిమెంట్లు నమ్ముతారు. ఇక అందరిలాగే సినీపరిశ్రమ వారు కూడా నమ్ముతారు. మన సినిమా టైటిల్స్ కు ఇంగ్లీష్ స్పెల్లింగ్ ఎలా రాస్తారో చూడండి.. న్యూమరాలజీ టచ్ లేని టైటిల్ చాలా తక్కువ. అంతే కాదు సినీపరిశ్రమలో గోల్డెన్ లెగ్గు.. ఐరన్ లెగ్గు సెంటిమెంట్లు కూడా ఎక్కువే. కొందరు నమ్మరు కానీ ఎక్కువ మంది నమ్ముతారు. త్వరలో విడుదల కానున్న 'వరల్డ్ ఫేమస్ లవర్' కు ఐరన్ లెగ్గుల గండం పొంచి ఉందని ఫిలిం నగర్ లో టాక్ వినిపిస్తోంది.

ఈ సినిమాలో నలుగురు హీరోయిన్లు ఉన్నారు..రాశి ఖన్నా.. కాథరిన్ ట్రెసా.. ఐశ్వర్య రాజేష్.. ఇజబెల్ లీట్. రాశి ఖన్నా తప్ప కేథరిన్.. ఐశ్వర్య ఇద్దరికీ ఐరన్ లెగ్గు అనే పేరు ఉంది. ఇజబెల్ కొత్త అమ్మాయి కాబట్టి ఇంకా లాంటి టాగ్స్ రాలేదు. కాథరిన్ ట్రెసా దాదాపుగా ఫేడ్ అవుట్ అయిపోయిన హీరోయిన్. ప్రోమోస్ లో అంటీలాగా కనిపిస్తోందని కూడా కామెంట్లు వినిపిస్తున్నాయి. ఇప్పటివరకూ కొత్త హీరోయిన్లతో యాక్ట్ చేస్తూ వచ్చిన విజయ్ ఇలా అవుట్ డేటెడ్ హీరోయిన్ తో నటించడం అభిమానులకు పెద్దగా నచ్చడం లేదు. మరి కాథరిన్.. ఐశ్వర్య నెగెటివ్ సెంటిమెంట్ ఈ సినిమాపై పని చేస్తుందా లేదా అనేది సినిమా రిలీజ్ అయితే కానీ తెలియదు.

గోపి సుందర్ ఈ సినిమాకు సంగీతదర్శకుడు. క్రాంతి మాధవ్ దర్శకత్వంలో తెరకెక్కుతున్న ఈ సినిమాను కేఎ వల్లభ నిర్మిస్తున్నారు. కేయస్ రామారావు ఈ సినిమాకు సమర్పకుడిగా వ్యవహరిస్తున్నారు. వాలెంటైన్స్ డే సందర్భంగా ఈ సినిమా ఫిబ్రవరి 14 న రిలీజ్ కానుంది.