చ‌ర‌ణ్ హీరోయిన్ త‌కిదిమితోం

చిరుత సినిమాతో తెలుగు తెర‌కు ప‌రిచ‌య‌మైంది నేహాశ‌ర్మ. ఆరంగేట్ర‌మే రామ్‌ చ‌ర‌ణ్ స‌ర‌స‌న అవ‌కాశం అందుకున్నా.. అటుపై ఎందుక‌నో మ‌ళ్లీ ఇక్క‌డ క‌నిపించ‌లేదు. ఏయ్ బాబూ.. ఇటు రా! అని పిలిచిన నేహాని మ‌న యూత్ బాగానే వోన్ చేసుకున్నా ఆ త‌ర్వాత తీవ్రంగా నిరాశ‌ప‌రుస్తూ అటు బాలీవుడ్ వైపే వెళ్లిపోయింది. అయితే అక్క‌డా ఈ అమ్మ‌డి ఆట‌లు అంతంత‌మాత్ర‌మే. అడ‌పాద‌డ‌పా మాత్ర‌మే అవ‌కాశాలొస్తున్నాయి. కార‌ణం ఏదైనా నేహా క‌థానాయిక‌గా రాణించ‌లేద‌న్న‌ది వాస్త‌వం.

హీరోయిన్ అవ్వ‌క‌పోతేనేం.. ఈ అమ్మ‌డికి మోడ‌లింగ్‌ లో అవ‌కాశాల‌కేం కొద‌వ లేదు. నిరంత‌రం అందాల ఆర‌బోత‌తో చెల‌రేగిపోతూ సామాజిక మాధ్య‌మాల్లో - నెటిజ‌నుల్లో వాడి వేడిగా చ‌ర్చ‌కొస్తోంది. ఓవైపు ర్యాంప్ వాక్‌ లు - మ‌రోవైపు యాడ్ షూట్‌ లు.. వేరొక వైపు మ్యాగ‌జైన్ క‌వ‌ర్‌ పేజీ సోకులతో కాలం వెల్ల‌దీస్తోంది. 2016లో మూడు సినిమాలు - 2017లో మూడు సినిమాల్లో న‌టించినా నేహా ఉనికి మాత్రం ఏమంత చాటుకోలేక‌పోయింది. ఈ ఏడాది బాలీవుడ్‌ లో క్రేజీ సీక్వెల్ హేరాపేరి 3లో న‌టిస్తోంది. అక్ష‌య్‌ కుమార్ - ప‌రేష్ రావ‌ల్‌ - సునీల్ శెట్టి లాంటి స్టార్లు న‌టిస్తున్న ఈ చిత్రంలో నేహా త‌ళుక్కున మెర‌వ‌నుందిట‌.

ఆ క్ర‌మంలోనే క‌వ‌ర్‌ పేజీల‌పైనా ఇటీవ‌ల వేడి పెంచుతోంది. తాజాగా మ్యాగ్జిమ్ క‌వ‌ర్‌ పేజీపై ఎర్ర రంగు బికినీలో ద‌ర్శ‌న‌మిచ్చి పెద్ద షాకిచ్చింది. బికినీ బీచ్ సొగ‌సుల్ని తెర‌నిండుగా ఆవిష్క‌రించేందుకు త‌న‌కేమాత్రం అభ్యంత‌రం లేద‌ని మ‌రోసారి చెప్ప‌క‌నే చెప్పింది. మొత్తానికి మ‌రోసారి యూత్ ఐ బాల్స్‌ ని గిర‌గిరా తిప్పేసింది. క‌నీసం ఈ బికినీ సొగ‌సులు చూసైనా మ‌న ద‌ర్శ‌క‌నిర్మాత‌లు మ‌రోసారి టాలీవుడ్‌ కి పిలుస్తారేమో చూడాలి.