సాహో విల‌న్ ఫ్యామిలీ ఫోటో చూశారా?

సినిమా ఆన్ సెట్స్ ఉండ‌గానే సాటి న‌టీన‌టుల‌తో చిత్ర‌బృందానికి అనుబంధం ఏర్పడుతుంది. అలానే క్లోజ్ అయిపోయారు డార్లింగ్ ప్ర‌భాస్.. నీల్ నితిన్. ఆ ఇద్ద‌రూ క‌లిసి మోస్ట్ అవైటెడ్ `సాహో`లో న‌టించిన సంగ‌తి తెలిసిందే. నీల్ నితిన్ ఈ చిత్రంలో గ్యాంగ్ స్ట‌ర్ పాత్ర‌లో న‌టించాడు. అత‌డి లుక్ ఇటీవ‌లే రిలీజై అభిమానుల్లోకి దూసుకెళ్లిన సంగ‌తి తెలిసిందే. 2000 కోట్లు కొట్టేసి దాచేశాక ఆ డ‌బ్బు కోసం విల‌న్ల గ్యాంగ్ తో డార్లింగ్ ఎలా పోరాడాడు? అన్న‌ది సినిమా క‌థాంశం. ఇక ఆ డ‌బ్బు కోసం నీల్ నితిన్ తో ప్ర‌భాస్ హోరాహోరీ ఫైట్స్ ఎలా ఉండ‌బోతున్నాయో తెర‌పై చూడ‌బోతున్నాం.

హీరో- విల‌న్ ఫైట్స్ సంగ‌తి అటుంచితే రెండేళ్ల పాటు సుదీర్ఘంగా `సాహో` సెట్స్ పై ఉంది. నీల్ నితిన్ అబూదబీ షూట్ లో బిజీగా ఉన్న‌ప్పుడు అత‌డికి ఓ శుభ‌వార్త అందింది. సాహో విల‌న్ కి కూతురు పుట్టింద‌న్న వార్త అప్ప‌ట్లో టాలీవుడ్ మీడియాలోనూ హ‌ల్ చ‌ల్ చేసింది. 2018 సెప్టెంబ‌ర్ 20న నీల్ నితిన్ కుమార్తె జ‌న్మించింది. ఈ సెప్టెంబ‌ర్ తో ఏడాది పూర్తి చేసుకోబోతోంది. ఆ బేబి పుట్టిన స‌మ‌యంలో డార్లింగ్ ప్ర‌భాస్ త‌న ఫ్యామిలీ గురించి తీసుకున్న కేరింగ్ పై నీల్ నితిన్ ఎంతో ఎమోష‌న్ అయిపోయిన సంగ‌తి తెలిసిందే. అబూద‌బీ షూటింగ్ లో ఉన్న‌ప్పుడు త‌నోతో పాటే భార్య రుక్మిణి అక్క‌డే ఉంది. ఆ స‌మ‌యంలో త‌న‌కు బోలెడ‌న్ని కానుక‌లు ఇచ్చాడు డార్లింగ్. ఆ కేరింగ్ చూశాక‌.. ప్ర‌భాస్ గొప్ప మ‌న‌సున్న డార్లింగ్ అంటూ కితాబిచ్చేశాడు నీల్.

ఇదిగో ఇప్పుడు కుమార్తె నుర్వి.. భార్య రుక్మిణి సాహేతో క‌లిసి విదేశాల్లో వెకేష‌న్ కి వెళ్లిన నీల్ నితిన్ తిరిగి ముంబైకి వ‌చ్చేశాడు. తాజాగా ముంబై విమానాశ్ర‌యంలో మీడియా కెమెరాల‌కు చిక్కాడు. సుదీర్ఘ‌మైన షెడ్యూల్స్ తో కుస్తీ ప‌ట్టిన అత‌డు కుటుంబ స‌మేతంగా జాలీ ట్రిప్ వెళ్లి అక్క‌డ కూతురితో క‌లిసి ఫుల్ గా షికార్లు చేసి వ‌చ్చాడు. త‌న కుమార్తె నుర్వీతో క‌లిసి స్విమ్ చేస్తున్న‌ ఫోటోల్ని సామాజిక మాధ్య‌మాల్లో అభిమానుల‌కు షేర్ చేశారు నీల్ నితిన్. సాహోతో పాటు అత‌డు న‌టించిన బైపాస్ రోడ్ అనే వేరొక చిత్రం త్వ‌ర‌లో రిలీజ్ కి రానుంది.