చాలా కాలం తర్వాత మంచి వినోదాత్మక చిత్రం

కరోనా కారణంగా గత రెండేళ్లుగా సినిమాలు సరిగా వచ్చిందే లేదు. కొన్ని ఓటీటీల్లో విడుదల అవుతున్నా కూడా వాటిలో ఎక్కువ శాతం సీరియస్ డ్రామా లేదంటే రొమాంటిక్ డ్రామాలు ఉంటున్నాయి. ఫుల్‌ లెంగ్త్‌ కామెడీ ఎంటర్ టైన్ మెంట్‌ చిత్రాలు చూసి చాలా కాలం అయ్యిందని తెలుగు ప్రేక్షకులు ఎదురు చూస్తున్న సమయంలో ఒక డబ్బింగ్‌ సినిమా వచ్చింది. మంచి వినోదాత్మక సినిమా గా ఆ సినిమా నిలిచింది. థియేట్రికల్‌ స్కిప్ చేసి ఓటీటీ ద్వారా ప్రేక్షకుల ముందుకు వచ్చిన రెడ్‌ నోటీస్ అనే హాలీవుడ్‌ మూవీ ఇప్పుడు ప్రపంచ వ్యాప్తంగా సినీ ప్రేక్షకులను నవ్వుల్లో ముంచెత్తుతోంది. విభిన్నమైన కాన్సెప్ట్‌ ను తీసుకుని దాన్ని పూర్తి వినోదాత్మక యాంగిల్ లో రూపొందించారు.

నెట్‌ ఫ్లిక్స్ లో ప్రస్తుతం స్ట్రీమింగ్ అవుతున్న ఈ సినిమా ను తెలుగు వర్షన్ లో కూడా చూడవచ్చు. తెలుగు ప్రేక్షకులు ఇప్పటికే ఈ సినిమా గురించిన చర్చ సోషల్‌ మీడియాలో మొదలు పెట్టారు. డబ్బింగ్‌ సినిమాలు అంటే యాక్షన్ సినిమాలే అనుకుంటాం.. ముఖ్యంగా హాలీవుడ్‌ నుండి వచ్చిన డబ్బింగ్‌ సినిమాలంటే సూపర్‌ మ్యాన్ రేంజ్ యాక్షన్‌ సన్నివేశాలు ఉంటాయని.. ఫ్యామిలీ ప్రేక్షకులకు అవి బహుదూరం అన్నట్లుగా టాక్ ఉంది. కాని రెడ్ నోటీస్ అలా కాదు. మంచి వినోదాత్మక అంశాలు ఉన్న ఈ రెడ్‌ నోటీస్ తెలుగు ప్రేక్షకులతో పాటు అన్ని భాషల సినీ అభిమానులను ఎంటర్‌ టైన్ చేస్తోంది.

డ్వెన్ జాన్సన్... గల్ గాదొత్.. ర్యాన్ రేనాల్డ్స్ లు కీలక పాత్రలో నటించిన ఈ సినిమా మొత్తం కూడా మూడు ఎగ్స్‌ చుట్టు తిరుగుతూ ఉంటుంది. చాలా ప్రాముఖ్యత ఉన్న ఆ ఎగ్స్ ను దొంగిలించేందుకు చేసే ప్రయత్నాలు చాలా ఫన్నీగా చూపించారు. ముఖ్య నటీ నటుల మద్య వచ్చే సన్నివేశాలు మరియు సంభాషణలు నవ్వు తెప్పించేవిగా ఉన్నాయి. సినిమా ఆరంభం నుండి చివరి వరకు ఆద్యంతం నవ్వుకునే విధంగానే ఉన్నాయి. యాక్షన్‌ సన్నివేశాలను కూడా ఫన్నీ వేలోనే చూపించడంతో సినిమా గురించి ప్రస్తుతం ప్రపంచ వ్యాప్తంగా సినీ ప్రియులు మాట్లాడుకుంటున్నారు. నెట్ ఫ్లిక్స్ లో ఈ సినిమా స్ట్రీమింగ్ అవుతోంది.