కేటీఆర్ పై ట్వీట్! లక్ష్మీ మంచుపై నెటిజ‌నుల‌ సెటైర్లు!!

తెలంగాణ రాష్ట్ర మంత్రి కేటీఆర్ కి క‌రోనా పాజిటివ్ వ‌చ్చిన సంగ‌తి తెలిసిందే. ఆయ‌న అనారోగ్యం నుంచి త్వ‌ర‌గా కోలుకోవాల‌ని తెలుగు సినీ ప్ర‌ముఖులు సోష‌ల్ మీడియాల్లో స్పందించారు. మంత్రివ‌ర్యులు త్వ‌ర‌గా కోలుకోవాల‌ని ఆకాంక్షిస్తూ న‌టి కం నిర్మాత ల‌క్ష్మీ మంచు ట్వీట్ చేశారు. ``గెట్ వెల్ సూన్ బ‌డ్డీ.. వాచ్ ఆల్ మై మూవీస్ న‌వ్`` అంటూ ట్వీట్ చేయ‌డంతో దానిపై నెటిజ‌నుల్లో సెటైర్లు ప‌డుతున్నాయి.

మీ సినిమాలు చూసే కంటే చ‌చ్చిపోవ‌డం న‌యం అక్కా.. మీ సినిమాలు చూస్తూ త్వ‌ర‌గా కోలుకోడం ఏంట‌క్కా..! అంటూ ఓ నెటిజ‌న్ అతిగా స్పందించారు. బ‌డ్డీ ఏంటి? అంటూ కొంద‌రు సెటైర్లు వేశారు.

2020 ఇన్సెప్ష‌న్ ని అర్థం చేసుకోవ‌డం లాంటిది.. 2021 టెనెట్ ని అర్థం చేసుకోవ‌డం లాంటిది! అంటూ ప్ర‌స్తుత క‌రోనా స‌న్నివేశంపై ల‌క్ష్మీ మంచు మ‌రో ఆస‌క్తిక‌ర ట్వీట్ కూడా చేశారు. అంటే మీకు కూడా ఆ రెండు సినిమాలు అర్థం కాలేదా? అంటూ ఒక నెటిజ‌న్ స్పందించారు. ఆస్కార్ గ్ర‌హీత ప్ర‌ఖ్యాత ద‌ర్శ‌కుడు క్రిస్టోఫ‌ర్ నోలాన్ సంక్లిష్ఠ‌మైన కాన్సెప్టుల్లా నేటి క‌రోనా ప్ర‌పంచాన్ని విడిచిపెట్ట‌డం లేద‌న్న‌ది ల‌క్ష్మీ ఉద్ధేశ‌మ‌ని ఆ ట్వీట్ చెబుతోంది.

వేరొక ట్వీట్ లో వ‌ర‌ల్డ్ యూత్ చాంపియ‌న్స్ మ‌హిళా బాక్స‌ర్ల విజయాల్ని కీర్తించారు. దేశం నుంచి ఏడుగురు మ‌హిళా బాక్స‌ర్లు బ్రిలియంట్ పెర్ఫామెన్స్ ఇచ్చార‌ని ఈ ట్వీట్ లో ప్ర‌శంసించారు.