మాట మార్చిన నటిని ట్రోల్స్‌ చేస్తున్న నెటిజన్స్‌

సుశాంత్‌ రాజ్‌ పూత్‌ ఆత్మహత్య నేపథ్యంలో బాలీవుడ్‌ కు చెందిన కొందరు మరియు నెటిజన్స్‌ నెపొటిజంకు వ్యతిరేకంగా తీవ్ర వ్యాఖ్యలు చేస్తున్నారు. బాలీవుడ్‌ లో నెపొటిజంకు పెట్టింది పేరు కరణ్‌ జోహార్‌ అంటూ కంగనాతో మొదలు పెట్టి బ్యాక్‌ గ్రౌండ్‌ లేకుండా సినిమా పరిశ్రమలో స్ట్రగుల్‌ అవుతున్న పలువురు సెలబ్రెటీలు ఆరోపణలు గుప్పిస్తున్నారు. ఇదే సమయంలో కొందరు కరణ్‌ జోహార్‌ కు మద్దతుగా కూడా నిలుస్తున్నారు. వారిలో బాలీవుడ్‌ నటి స్వరా భాస్కర్‌ చేరింది.

గతంలో స్వరా భాస్కర్‌ నెపొటిజంపై కరణ్‌ జోహార్‌ ను ప్రశ్నించింది. బాలీవుడ్‌ లో ఎన్నో విప్లవాత్మక మార్పులు తీసుకు వచ్చిన మీరు పలువురు స్టార్‌ కిడ్స్‌ ను పరిచయం చేశారు. అది కావాలని చేశారా లేదంటే కాకతాళీయంగా జరిగిందా అంటూ ప్రశ్నించింది. ఆ సమయంలో స్వరా భాస్కర్‌ కు పలువురు మద్దతు తెలిపారు. సరైన ప్రశ్న వేశారంటూ అందరు ఆమెను అభినందించారు. కాని ఇప్పుడు అదే స్వరా భాస్కర్‌ కరణ్‌ జోహార్‌ కు మద్దతుగా నిలవడం చర్చనీయాంశంగా మారింది.

తాజాగా సోషల్‌ మీడియా ద్వారా స్పందిస్తూ గతంలో నెపొటిజంపై కరణ్‌ జోహార్‌ ఏమాత్రం తడుముకోకుండా సమాధానం చెప్పేవాడు. అతడు ఎప్పుడు కూడా నెపొటిజం కలిగి లేడని పేర్కొంది. అతడిపై కొందరు కావాలని పనిగట్టుకు విమర్శలు చేయడం దారుణం అంటూ వ్యాఖ్యలు చేసింది. కరణ్‌ జోహార్‌ కు మద్దతుగా స్వరా భాస్కర్‌ నిలవడంతో ఆమె పై నెటిజన్స్‌ ట్రోల్స్‌ గుప్పిస్తున్నారు. కరణ్‌ జోహార్‌ నుండి ఏదైనా సినిమా ఆఫర్‌ ఆశిస్తుందో ఏమో అందుకే ఇలా మాట మార్చింది అంటూ కామెంట్స్‌ చేస్తున్నారు.