డేట్ల సమస్య, హిట్ 2 సినిమా కు నో చెప్పాడట

యంగ్‌ హీరో విశ్వక్‌ సేన్‌ 'హిట్‌' సినిమాతో మంచి విజయాన్ని సొంతం చేసుకున్నాడు. కెరీర్‌ లో బిగ్గెస్ట్‌ సక్సెస్ సినిమాకు సీక్వెల్‌ చేస్తానంటే ఏ హీరో మాత్రం నో చెప్తాడు చెప్పండి. కాని విశ్వక్‌ సేన్ మాత్రం హిట్ 2 సినిమా కు నో చెప్పాడట. హిట్ సినిమా విడుదలైన సమయంలోనే సీక్వెల్‌ ప్రకటన వచ్చింది. ఆ సమయంలో విశ్వక్‌ సేన్‌ కూడా రెండవ కేసు కోసం వెయిట్‌ చేస్తున్నాను అన్నట్లుగా సన్నిహితులతో అన్నాడట. అలాంటి విశ్వక్‌ సేన్‌ హిట్ 2 లో మాత్రం నటించనంటూ తప్పుకున్నాడట. దర్శక నిర్మాతలు హిట్ 2 కోసం అడిగిన డేట్లు సర్దు బాటు చేయలేక పోవడం వల్లే ఆ సినిమాను వదులుకున్నట్లుగా విశ్వక్‌ సేన్‌ చెప్పుకొచ్చాడు. తాజా ఇంటర్వ్యూలో విశ్వక్‌ సేన్‌ చేసిన ఆ వ్యాఖ్యలు నెట్టింట చర్చనీయాంశం అయ్యాయి.

హిట్‌ 2 నుండి తప్పుకున్న విశ్వక్‌ సేన్‌ డేట్లు ఖాళీ లేకపోవడం వల్ల తప్పలేదు అనడం విడ్డూరంగా ఉందంటూ నెటిజన్స్‌ కామెంట్స్ చేస్తున్నారు. హిట్ వచ్చిన హిట్‌ సినిమా లో ఛాన్స్ ఉంటే విశ్వక్‌ సేన్ ఎంత ఇబ్బంది అయినా చేసేవాడు. కాని కథానుసారంగా అడవి శేష్‌ అయితే హిట్ 2 కు న్యాయం చేస్తాడనే ఉద్దేశ్యంతో ఆయన్ను తీసుకుని ఉంటారని కొందరు అభిప్రాయం వ్యక్తం చేస్తున్నారు. హిట్ 2 సినిమా విషయంలో విశ్వక్‌ సేన్ తానే తప్పుకున్నట్లుగా చెప్పుకునే ప్రయత్నం చేస్తున్నాడంటూ ట్రోల్స్ వస్తున్నాయి.

నిజానికైతే విశ్వక్‌ సేన్‌ ప్రస్తుతం పాగల్ సినిమాతో మరి కొన్ని ప్రాజెక్ట్ లతో బిజీగా ఉన్నాడు. వరుసగా సినిమాలు చేస్తున్న విశ్వక్ సేన్‌ డేట్లు ఖాళీ లేకపోవడం నిజమే అయ్యి ఉండవచ్చు కాని హిట్‌ 2 ను వదులుకోవడంకు కారణం ఇంకేదైనా అయ్యి ఉండవచ్చు అనిపిస్తుందంటూ మీడియా సర్కిల్స్‌ లో కూడా గుసగుసలు వినిపిస్తున్నాయి.