ఫోటో స్టొరీ: కండల వీరుడిగా నాగ శౌర్య

టాలీవుడ్ లో ఉన్న అతి తక్కువమంది హ్యాండ్సమ్ హీరోల్లో నాగ శౌర్య ఒకరు. ఆరడుగుల పొడవు... ఎర్రటి రంగు.. మాంచి స్మైలింగ్ ఫేస్.. అన్నీ ఉన్నాయి కానీ ఈ బాబుకి ఎప్పుడూ జిమ్ముకెళ్ళి కసరత్తులు చేసి కండల వీరుడిగా మారాలనే ఆలోచన రాలేదు. కానీ ఇప్పుడు తన మనసు మార్చుకున్నాడు శౌర్య.

తన ఇన్స్టాగ్రామ్ ఖాతా ద్వారా నాగశౌర్య తాజాగా ఒక ఫోటో పోస్ట్ చేశాడు. ఆ ఫోటోకు 'నాకు ఛాయిస్ లేదు.. కండలు పెంచడం తప్ప' అంటూ క్యాప్షన్ ఇచ్చాడు. ఇక ఫోటోలో జిమ్ములో కఠినమైన కసరత్తులు చేస్తున్నాడు. స్లీవ్ లెస్ షర్టు వేసుకోవడంతో అప్పుడే మజిల్స్ కనబడుతున్నాయి. అంటే ఇప్పటివరకూ స్లిమ్ గా ఉన్న నాగశౌర్య తన నెక్స్ట్ సినిమాలో కండల వీరుడి అవతారంలో కనిపిస్తాడన్నమాట. ఇప్పుడు టాలీవుడ్ లో ఉండే హీరోలందరూ దాదాపుగా కండల వీరులే. ప్రభాస్.. చరణ్.. అల్లు అర్జున్ లాంటి స్టార్స్ దగ్గర నుండి.. ఈమధ్యే వచ్చిన 'RX100' కార్తికేయ వరకూ అందరూ జిమ్ కు వెళ్లి కసరత్తులు చేసి కండలు పెంచేవారే. మరి వీళ్ళని ఇన్స్పిరేషన్ గా తీసుకున్నాడా లేదా తన కొత్త సినిమా కోసం లుక్ మారుస్తున్నాడా అనేది ఇంకా తెలియదు. ఏదేమైనా ఇకపై సింపుల్ గా స్లిమ్ గా ఉండే లుక్ లో శౌర్యను చూడలేం.

నాగ శౌర్య నటించనున్న కొత్త సినిమా ప్రకటన రీసెంట్ గా వచ్చిన సంగతి తెలిసిందే. సుకుమార్ శిష్యుడు కాశి విశాల్ దర్శకత్వంలో తెరకెక్కనున్న ఈ చిత్రాన్ని సుకుమార్ - శరత్ మరార్ సంయుక్తంగా నిర్మిస్తారు. త్వరలో ఈ సినిమా సెట్స్ పైకి వెళ్లనుంది. మరి ఈ కండలవీరుని అవతారం కాశి విశాల్ సినిమాకోసమేనేమో..!