దేనికైనా రెడీ అంటున్న కుర్రభామలు.. కానీ కెరీర్ సంగతేంటి??

ప్రస్తుతం టాలీవుడ్ ఇండస్ట్రీలో కుర్రభామల హవా మాములుగా లేదు. ఇదివరకు హీరోయిన్స్ తక్కువ మంది ఉండేవారు వాళ్ళ డేట్స్ కోసం ఎదురుచూసే పరిస్థితి ఉండేది. కానీ ఇప్పుడు తరానికి అలాంటి ప్రాబ్లెమ్ లేకుండా చేస్తున్నారు యంగ్ మోడల్స్. ఒకప్పుడు గ్లామరస్ రోల్స్ అయితే ఆ హీరోయిన్ దగ్గరకి, ట్రేడిషనల్ రోల్స్ అయితే ఈ హీరోయిన్ దగ్గరికి అనేవారు. కానీ ప్రస్తుతం ప్రతి హీరోయిన్ ఎలాంటి రోల్ అయినా చేయడానికి వెనకాడటం లేదు. ఎందుకంటే వెనకడుగు వేస్తే ప్రస్తుతం ఉన్న సూపర్ ఫాస్ట్ జనరేషన్ లో నెట్టుకురాలేరు. ఒకసారి ఛాన్స్ మిస్ అయితే మరోసారి వచ్చే అవకాశం ఈరోజుల్లో తక్కువ. అందుకే ఎలాంటి ఆఫర్ అయినా.. ఎలాంటి పాత్ర అయినా చేసేసి ముందు తెర మీద కనిపిస్తే చాలు అనుకుంటున్న హీరోయిన్స్ ఎక్కువగా ఉన్నారు.

చేసేవి రెండు మూడు సినిమాలు అయినా హమ్మయ్య మనల్ని మనం తెర మీద చూసుకున్నాం అని సర్ది చెప్పుకుంటున్నారు. మరి కొందరేమో ఎలాగైనా ఇండస్ట్రీలోనే సెటిల్ అయిపోవాలి అని వెయిట్ చేస్తుంటారు. అవకాశం ఎప్పుడు వస్తుందో తెలీదు కానీ పెట్టేబేడా సర్దుకొని దిగుతారుగా ఆగక తప్పదు. కొంతమంది హీరోయిన్స్ మాత్రం తక్కువ సినిమాలు చేసినా గుర్తుండిపోయే పాత్రలు చేసి వెళ్తారు. ఇలా చెప్పుకుంటూ పోతే ఇప్పుడు వస్తున్న యంగ్ హీరోయిన్స్ అంతా ఈ మూడు దారుల్లోనే వెళుతున్నారు. ఇక కొందరికైతే ఇండస్ట్రీలో రిలేషన్స్ ఉండటం వలన ఈజీగా అవకాశాలు లభిస్తాయి. కానీ ఎవరైనా టాలెంట్ ఉంటేనే నిలబడతారు అని ఇండస్ట్రీ చెప్పే విషయం. చూడాలి మరి ఏ హీరోయిన్ ఎంతకాలం ఇండస్ట్రీలో సర్వయివ్ అవుతుందో..!!