వైరల్ అవుతున్న ఎఫ్3 బృందం న్యూ ఫోటో!

ప్రస్తుతం ఇండస్ట్రీలో కొత్త సినిమాల కబుర్లు ట్రెండ్ అవుతున్నాయి. కొత్తవాళ్ల దగ్గర నుండి స్టార్ హీరోలవరకు అందరూ వరుసగా వారి సినిమాల రిలీజ్ డేట్స్ ప్రకటిస్తున్నారు. అలాగే విడుదల డేట్స్ లోపు సినిమా షూటింగ్స్ కంప్లీట్ చేయాలనీ శరవేగంగా పనులు పూర్తి చేస్తున్నారు మేకర్స్. తాజాగా లేటెస్ట్ మూవీ ఎఫ్3 చిత్రబృందం సెట్ లో సందడి చేస్తున్న ఫోటోలు సోషల్ మీడియాలో వైరల్ అవుతున్నాయి.

ఫన్, ఫ్రస్ట్రేషన్ మాత్రమే కాకుండా ఈసారి ఫ్యామిలీ అనే ఎమోషన్ కూడా యాడ్ చేసినట్లు మేకర్స్ తెలిపారు. ఆగష్టు 27న విడుదల కాబోతున్న ఈ కామెడీ సినిమా గురించి అటు దగ్గుబాటి ఫ్యాన్స్, ఇటు మెగాఫ్యాన్స్ ఎంతో ఆసక్తిగా వెయిట్ చేస్తున్నారు. ఎందుకంటే హీరోలుగా విక్టరీ వెంకటేష్, వరుణ్ తేజ్ కలిసి తోడల్లుళ్లుగా నటిస్తున్నారు.

గతంలో వీరిద్దరూ కథానాయకులుగా ఎఫ్2 రూపొందించాడు డైరెక్టర్ అనిల్. ఎలాంటి అంచనాలు లేకుండా విడుదలై బాక్సాఫీస్ వద్ద ఎఫ్2 బ్లాక్ బస్టర్ విజయం అందుకుంది. ఈ మధ్య ఎఫ్3 సినిమా గురించి అప్డేట్స్ ఎప్పటికప్పుడు ప్రకటిస్తున్నారు మేకర్స్. మెల్లగా ఇప్పటి నుండే ప్రేక్షకులను బుట్టలో వేసుకునే ప్రయత్నం చేస్తున్నారు. ప్రస్తుతం చిత్రీకరణ దశలో ఉన్న ఈ సినిమా నుండి తాజాగా ఓ ఫోటోలు షేర్ చేశారు.

అందులో పూర్తి ఎఫ్3 సెట్ సందడిగా ఉన్నట్లు తెలుస్తుంది. వెంకటేష్, తమన్నాలతో పాటు డైరెక్టర్ అనిల్, సహానిర్మాత శిరీష్, సీనియర్ నటులు రఘుబాబు, అన్నపూర్ణ, లక్ష్మి తదితరులు కుర్చీలలో కూర్చొని ఉన్నారు. ఇక ముఖ్యంగా తమన్నా చీరకట్టి అందంగా ముస్తాబైంది. అయితే ఈ ఫోటో ప్రకారం తమన్నా హారిక అనే పాత్రలో కనిపిస్తుందని భావిస్తున్నారు. ఎందుకంటే ఆమె సారీపై ఓ బ్యాడ్జి మీద హారిక అనే నేమ్ ఉంది. అయితే ఈ ఫోటోలో పాటు వరుణ్ తేజ్, మెహరిన్ లు మిస్సయ్యారు. చూడాలి మరి ఎఫ్3 బృందం థియేటర్లో ఎలా సందడి చేస్తారో!