'మా' కు గుడ్‌ న్యూస్ చెప్పబోతున్న కొత్త ప్రెసిడెంట్‌

మా అధ్యక్ష ఎన్నికల్లో ఘన విజయం సాధించిన మంచు విష్ణు తనదైన మార్పులను అసోషియేషన్ లో మొదలు పెట్టినట్లుగా తెలుస్తోంది. మా అధ్యక్ష ఎన్నికల సందర్బంగా మంచు విష్ణు చాలా హామీలు ఇచ్చాడు. ఆ హామీలను ఖచ్చితంగా నెరవేర్చుతానని.. నూటికి నూరు శాతం తాను ఇచ్చిన మాట మీద నిలబడుతాను అంటూ ఎన్నికల్లో గెలిచిన తర్వాత కూడా మంచు విష్ణు ప్రకటించిన విషయం తెల్సిందే. మంచు విష్ణు తాజాగా మరో ఆసక్తికర ట్వీట్‌ ను చేయడం చర్చనీయాంశంగా మారింది. ట్విట్టర్ లో మా ప్రెసిడెంట్‌ అయిన మంచు విష్ణు మా ముందు రేపు ఒక మంచి శుభ వార్తను ఉంచబోతున్నాను అంటూ ప్రకటించాడు. మంచు విష్ణు ట్వీట్‌ ప్రస్తుతం ఇండస్ట్రీ వర్గాల్లో చర్చనీయాంశంగా మారింది.

ఇంతకు మంచు విష్ణు ప్రకటించబోతున్న ఆ గుడ్‌ న్యూస్ ఏంటా అంటూ అంతా కూడా ఆసక్తిగా ఎదురు చూస్తున్నారు. మా సభ్యులు ఎక్కువ శాతం మంది దృష్టిని ఆకర్షించడంలో మంచు విష్ణు కేవలం మా భవనం కీలక పాత్ర పోషించింది. తాను అధ్యక్షుడిగా ఎన్నిక అయితే ఖచ్చితంగా మా భవనంను నిర్మిస్తాను అంటూ హామీ ఇచ్చాడు. కనుక ఇప్పుడు ఆ విషయమై ఏమైనా ప్రకటించబోతున్నాడా అంటూ కొందరు చర్చించుకుంటున్నారు. కాని ఇటీవలే మా భవనం గురించి స్పందించిన మంచు విష్ణు మూడు నెలల్లో ఆ విషయమై స్పష్టత ఇస్తాను చెప్పుకొచ్చాడు.

కనుక మా భవనం గురించి కాదు రేపు మరేదో విషయాన్ని మంచు విష్ణు చెప్పబోతున్నాడు అంటూ మీడియా వర్గాల వారు చెబుతున్నారు. మంచు విష్ణు ఈమద్య మా పై ఎక్కువ శ్రద్ద పెడుతున్నాడు. అధ్యక్షుడిగా బాధ్యతలు తీసుకున్న తర్వాత ఖచ్చితంగా పేద కళాకారులకు తనవంతు సాయం సహకారం చేస్తాను అంటూ హామీ ఇచ్చాడు. ఆ విషయమై ఏమైనా ప్రకటన చేయబోతున్నాడా అనేది చూడాలి. మొత్తంగా మంచు విష్ణు చేయబోతున్న ఆ ప్రకటన ఏంటీ అనేది సర్వత్ర ఉత్కంఠతను కలిగిస్తోంది.