జీఏ-2 లో మ‌రో యంగ్ హీరో అత‌నేనా?

టాలీవుడ్ లో ప్ర‌తిభ‌ను గుర్తించి ప్రోత్స‌హించ‌డంలో ముందుంటే నిర్మాత‌ల్లో గీతా ఆర్స్ట్ అధినేత అల్లు అర‌వింద్ ఒక‌రు. యంగ్ ట్యాలెంట్ ని ఒడిసి ప‌ట్టుకోవ‌డంలో అర‌వింద్ సిద్ద హ‌స్తులు. అలాంటి యువ ప్ర‌తిభావంతులు కోస‌మే గీతా ఆర్స్ట్ కి అనుబంధంగా జీఏ-2 పిక్చ‌ర్స్ నిర్మాణ సంస్థ‌ని స్థాపించి సినిమాలు నిర్మిస్తున్నారు. బ‌న్నీ వాస్ ఆ బ్యాన‌ర్ తాలుకా కార్య‌క‌లాపాలు చూసుకుంటున్నారు.

యంగ్ హీరోల డేట్ల‌ని లాక్ చేసి స‌ద‌రు బ్యాన‌ర్ సినిమాలు నిర్మిస్తుంది. 'అర్జున్ రెడ్డి' తో ఫామ్ లోకి వ‌చ్చిన విజ‌య్ దేవ‌ర‌కొండ‌తో జీఏ-2 బ్యాన‌ర్లోనే 'గీత గోవిందం' నిర్మించిన సంగ‌తి తెలిసిందే. ఈ సినిమా ఏకంగా 100 కోట్ల వ‌సూళ్ల‌ని సాధించింది. అటుపై 'ఆర్ ఎక్స్ -100' సినిమాతో వెలుగులోకి వ‌చ్చిన కార్తికేయ తో అదే బ్యాన‌ర్ 'చావు క‌బురు చ‌ల్ల‌గా' లాంటి సినిమా నిర్మించింది.

అటుపై కిర‌ణ్ అబ్బ‌వ‌రం తోనూ అదే వ్యూహాన్ని అనుస‌రించింది. కిర‌ణ్ తో వ‌రుస‌గా జీఏ-2 బ్యాన‌ర్ సినిమాలు నిర్మించేలా అగ్రిమెంట్ చేసుకుంది. ప్ర‌స్తుతం 'విన‌రో భాగ్య‌ము విష్ణు క‌థ' చిత్రాన్ని నిర్మిస్తుంది. ఇంకా కొత్త ప్రాజెక్ట్ ల‌కు సంబంధించి చ‌ర్చ‌లు జ‌రుపుతోంది. ఇప్పుడీ జాబితాలో మ‌రో యంగ్ హీరో విశ్వ‌క్ సేన్ కూడా చేర‌బోతున్నారా? అంటే అవున‌నే టాక్ వినిపిస్తుంది.

ఇటీవ‌లే విశ్వ‌క్ సేన్ హీరోగా నటించిన 'అశోక‌వ‌నంలో అర్జున క‌ళ్యాణం' రిలీజ్ అయిన సంగ‌తి తెలిసిందే. సినిమా కి పాజిటివ్ టాక్ వ‌చ్చింది. దీంతో జీఎ2 నెక్స్ లైనప్ హీరో విశ్వ‌క్ అనే టాక్ వినిపిస్తుంది.

త్వ‌ర‌లోనే జీఏ2 బ్యాన‌ర్ లో సినిమాకి సంత‌కం చేయ‌నున్నాడ‌ని గుస గుస న‌డుస్తోంది. ఇదే నిజ‌మైతే విశ్వ‌క్ కెరీర్ ట‌ర్న్ తీసుకున్న‌ట్లే గీత బ్యాన‌ర్లో సినిమా ప‌డి హిట్ అయితే రేంజ్ ఒక్క‌సారిగా మారిపోతుంది.

విజ‌య్ దేవ‌ర‌కొండ త‌ర్వాత ఆ బ్యాన‌ర్లో న‌టించిన హీరోల‌కి ఇంకా అంత పేరు రాలేదు. ఇప్పుడు అంత‌టి స్కోప్ విశ్వ‌క్ సేన్ కి క‌నిపిస్తుంది. యంగ్ హీరో ఇమేజ్ ని...ఎన‌ర్జీని మ్యాచ్ చేసే క‌థ దొరికాలి. నిర్మాణ ప‌రంగా ఆలోల‌చించాల్సి ప‌నిలేదు. ప్ర‌స్తుతం విశ్వ‌క్ సేన్ న‌టుడిగా బిజీగానే ఉన్నాడు. 'గామి'..'ఓరి దేవుడా'..'దాస్ కా ద‌మ్కీ' చిత్రాల్లో హీరోగా న‌టిస్తున్నాడు. అలాగే 'అక్టోబ‌ర్ 31 లేడీస్ నైట్'.. ముఖ చిత్రం సినిమాల్లో గెస్ట్ అప్పిరియ‌న్స్ ఇస్తున్నాడు.