'విక్ర‌మ్' లో బాలీవుడ్ లెజెండ్ బిగ్ బీ

విశ్వ‌న‌టుడు క‌మ‌ల్ హాస‌న్ క‌థానాయ‌కుడిగా లోకేష్ క‌న‌గ‌రాజ్ ద‌ర్శ‌క‌త్వంలో భారీ యాక్ష‌న్ ఎంట‌ర్ టైన్ `విక్ర‌మ్` తెర‌కెక్కుతోన్న సంగ‌తి తెలిసిందే. `ఖైదీ`..`మాస్ట‌ర్` చిత్రాల‌తో బ్యాక్ టూ బ్యాక్ స‌క్సెస్ లు అందుకున్న లోకేష్ క‌న‌గ‌రాజ్ ప్ర‌తిభ‌ను మెచ్చి ఇచ్చిన అవ‌కాశం ఇది. స్ర్కిప్ట్ ద‌శ‌లోనే క‌మ‌ల్ ని మొప్పించి ప్ర‌శంస‌లందుకున్నాడు. దీంతో యాక్ష‌న్ థ్రిల్ల‌ర్ ప్ర‌క‌ట‌న ద‌గ్గ‌ర నుంచి అంచనాలు మొద‌ల‌య్యాయి.

ఇప్ప‌టికే రిలీజ్ అయిన ఫ‌స్ట్ గ్లాన్స్ కి ప్రేక్ష‌కుల నుంచి అద్భుత‌మైన రెస్పా్స్ వ‌చ్చింది. ఆ రెస్పాన్స్ తో సినిమాపై అంచ‌నాలు అంత‌కంత‌కు పెరిగిపోతున్నాయి. కమల్ హాసన్ తో పాటు విజయ్ సేతుపతి .. ఫహద్ ఫాసిల్ త్రయాన్ని శక్తివంతమైన పాత్రలు ఆద్యంతం ఆక‌ట్టుకోనున్నాయి. క‌మ‌ల్ కి ధీటైన పాత్ర‌లో విజ‌య్ సేతుప‌తి క‌నిపించ‌డం అభిమానుల్లో మ‌రింత క్యూరియాసిటీని రెట్టింపు చేస్తోంది.

తాజాగా ఈ సినిమాలో బాలీవుడ్ లెజెండ‌రీ న‌టుడు అమితాబచ్చ‌న్ అతిధి పాత్ర‌లో న‌టిస్తున్న‌ట్లు ప్ర‌చారం సాగుతోంది. బిగ్ బీ సినిమాలో కీల‌క స‌న్నివేశాల్లో ఆద్యంతం ఆక‌ట్టుకుంటార‌ని టాక్ వినిపిస్తోంది. ద్వితియార్ధఃలో బిగ్ బీ తెర‌పై క‌నిపిస్తార‌ని తెలుస్తోంది. ఈ పాత్ర‌ని క‌మ‌ల్ కోరిక మేర‌కు బిగ్ బీ అంగీక‌రించిన‌ట్లు స‌మాచారం. ఆయ‌న ఎంట్రీతో సినిమాకి మ‌రింత హైప్ క్రియేట్ అవుతోంది.

ఇటీవ‌ల కాలంలో అమితాబ్ ద‌క్షిణాదిన టాప్ స్టార్ చిత్రాల్లో గెస్ట్ రోల్స్ పోషిస్తున్న సంగ‌తి తెలిసిందే. ఆ మ‌ధ్య మెగాస్టార్ చిరంజీవి న‌టించిన `సైరా న‌ర‌సింహారెడ్డి`లో చిరు గురువు పాత్ర‌లో బిగ్ బీ మెప్పించారు. మ‌రి విక్ర‌మ్ లో బిగ్ బీ రోల్ ఎలా ఉంటుంద‌న్నది చూడాలి.

ఇప్ప‌టికే విక్ర‌మ్ మేకింగ్ వీడియోలో యాక్ష‌న్ స‌న్నివేశాల్ని స్పెష‌ల్ ఫోకసింగ్ తో చూపించారు. బిగ్గెస్ట్ యాక్ష‌న్ ఎంట‌ర్ టైన‌ర్ ని హైలైట్ చేసారు. లోకేష‌న్ క‌న‌గ‌రాజ్ మార్క్ మేకింగ్ స్ప‌ష్టంగా హైలైట్ అవుతుంది. యాక్ష‌న్ సీక్వెన్స్ కోసం వాడిని ఆయుధాల్ని రివీల్ చేసారు. సినిమాలో బెస్ట్ యాక్ట‌ర్స్ అంతా భాగ‌మ‌వ్వ‌డంతో యాక్ష‌న్ పీక్స్ లో ఉంటుంద‌ని అంచ‌నాలు ఆకాశాన్నంటుటుతున్నాయి.

ఇంకా కాళీదాస్ జ‌య‌రాం..న‌రైన్..అర్జున్ దాస్..శివానీ నారాయ‌ణ్ త‌దిత‌రులు స‌పోర్టింగ్ పాత్ర‌ల్లో క నిపించ‌నున్నారు. ఇక `విక్ర‌మ్` లో కమల్ హాసన్ ప్రధాన పాత్రలో నటించడమే కాకుండా.. రాజ్ కమల్ ఫిల్మ్స్ ఇంటర్నేషనల్ బ్యానర్‌పై ఆర్ మహేంద్రన్‌తో కలిసి చిత్ర నిర్మాణంలో భాగ‌మ‌య్యారు. ఇటీవ‌లే విక్ర‌మ్ చిత్రీక‌ర‌ణ కూడా పూర్తి చేసుకుంది. ప్ర‌స్తుతం పోస్ట్ ప్రొడ‌క్ష‌న్ ప‌నులు జ‌రుగుతున్నాయి. జూన్ లో చిత్రాన్ని ప్రేక్ష‌కుల ముందుకు తీసుకురానున్నారు.