గౌత‌మ్ కంటే ముందే సితార లెగ‌సీని న‌డిపిస్తుందా?

సూప‌ర్ స్టార్ మ‌హేష్ గారాల ప‌ట్టీ సితార సినీఆరంగేట్రం ఇప్పుడు చర్చ‌నీయాంశంగా మారింది. సీతా పాప స‌ర్కార్ వారి పాట చిత్రంతో ఎంట్రీ ఇస్తోంది అన్నది ఘ‌ట్ట‌మ‌నేని అభిమానుల‌ను నిల‌వ‌నీయ‌డం లేదు. మ‌హేష్ -కృష్ణ ఫ్యాన్స్ మ‌బ్బుల్లో తేలిపోతున్నారు.

అయితే సితార డెబ్యూ కి ఇది స‌రైన స‌మ‌యం అని భావించి మ‌హేష్ - న‌మ్ర‌త అందుకు అంగీక‌రించారా? అంటూ చ‌ర్చ సాగుతోంది. పైగా డాడీ సినిమాలో సితార డ్యాన్సింగ్ స్టార్ గా అల‌రించ‌బోతోంది. ఇదేమీ ఆషామాషీ కాదు. తొలుత సీతా పాప ఎంట్రీ గురించి త‌ల్లిదండ్రులుగా మ‌హేష్ ..న‌మ్రత చాలా ఆలోచించి ఆందోళ‌న చెందార‌ట‌. ఈ నిర్ణ‌యం స‌రైన‌దేనా కాదా? అన్న‌దానిపై త‌ర్జ‌న‌భ‌ర్జ‌న ప‌డ్డారు. కానీ చివ‌రికి స‌ద‌రు షాడో మ్యాన్ ఇచ్చిన ఐడియా వ‌ర్క‌వుటైంది. ఇంత‌కీ ఎవ‌రా షాడో మ్యాన్ అంటే.. ఇంకెవ‌రు.. మ్యూజిక్ డైరెక్ట‌ర్ ఎస్.ఎస్.థ‌మ‌న్. ఇంత‌కుముందు క‌ళావ‌తి సాంగ్ కి డ్యాన్సింగ్ కానీ లేదా సితార డైలీ షేర్ చేస్తున్న డ్యాన్సింగ్ వీడియోలు కానీ త‌న‌కు ప్రేర‌ణ‌నిచ్చాయని అందుకే సితార పెన్నీ సాంగ్ లో డ్యాన్స్ చేస్తే బావుంటుంద‌ని స‌ల‌హా ఇచ్చాడ‌ని కూడా న‌మ్ర‌త వెల్ల‌డించారు.

సితార క్రమశిక్షణ- డ్యాన్స్ మూవ్ లను తన తండ్రితో పోల్చడంలో అభిమానులు బిజీగా ఉన్నారు. నమ్రత తనను మహేష్ ను అప్రయత్నంగా ఆశ్చర్యపరిచిందని థ‌మ‌న్ చెప్పారు. డ్యాన్స్ పై ఉన్న అభిమానం కారణంగా సితార ప్రతిరోజూ కొత్త రీల్ ను విడుదల చేసి తన అనుచరులను అలరిస్తోంది. నిజానికి కొద్ది రోజుల క్రితం ఆమె శ్రీరామ నవమి సందర్భంగా తన మొదటి కూచిపూడి నృత్యాన్ని ప్ర‌ద‌ర్శించంది.

సితార 5 సంవత్సరాల వయస్సు నుండి క్లాసికల్ డ్యాన్స్ నేర్చుకుంటోంది. ఇటీవ‌ల‌ రిసిటల్స్ చేసే స్థాయికి చేరుకుందిట‌. క్లాసిక‌ల్ నృత్య రూపాల్లోనూ సితార శిక్ష‌ణ సంపూర్ణంగా తీసుకుంది. సితార బహుముఖ ప్రజ్ఞాశాలి అంటే త‌ప్పు కాదు. సితార‌లో ఆల్ రౌండ‌ర్ నైపుణ్యం త‌న‌ని పెద్ద స్టార్ ని చేసినా ఆశ్చ‌ర్య‌పోన‌వ‌స‌రం లేద‌ని అభిమానులు భావిస్తున్నారు.

ఇటీవ‌ల సితార తన మొదటి మ్యూజిక్ వీడియోగా `సర్కారు వారి పాట` స్పెషల్ సాంగ్ పెన్నీ లో న‌ర్తించ‌డం తండ్రీకూతుళ్ల జోడీ డ్యాన్స్ అభిమానులను ఉర్రూతలూగించ‌డం తెలిసిన‌దే. సితార డ్యాన్సుల విష‌యంలో కాన్ఫిడెంట్ గా కెమెరాను హ్యాండిల్ చేసిన వైనంతో మహేష్- నమ్రత ఎంతో గర్వంగా ఉన్నారు. పెన్నీ పాటలో సితార కూడా ఉండాలనే ఆలోచనతో థమన్ కు వచ్చినట్లు నమ్రత వెల్లడించింది.

సితార తరచుగా తన అందమైన డ్యాన్స్ రీల్స్ తో నెటిజనుల‌ను విస్మయానికి గురి చేస్తోంది. కళావతిలో ఆమె రీల్ లలో ఒకదాన్ని చూసిన థమన్ మహేష్ కి తన ఆలోచనను తెలిపాడు. ఒకరోజు తన డిన్నర్ టైమ్ లో తనతోనూ సితారతోనూ అదే విషయాన్ని పంచుకున్నట్లు నమ్రత తెలిపింది. ``సితార ఎగిరి గంతేసి.. ``నానా సరదాగా ఉంటుంది... నేను డ్యాన్స్ చేయడానికి ఇష్టపడతాను`` అని అందిట‌. వెంట‌నే పెన్నీ సాంగ్ లో ఛాన్స్ ద‌క్కించుకుంది. ఇది ఆరంభం మాత్ర‌మే.. మునుముందు సితార నుంచి ఊహించ‌ని మెరుపులు ఉంటాయ‌ని అభిమానులు భావిస్తున్నారు. మ‌హేష్ న‌ట‌వార‌స‌త్వాన్ని గౌత‌మ్ కంటే ముందే సితార ముందుకు న‌డిపించ‌డం ఖాయంగా క‌నిపిస్తోందని ఉబ్బిత‌బ్బిబ్బ‌వుతున్నారు.

ఇది వారి డార్లింగ్ కుమార్తె యొక్క మొదటి వృత్తిపరమైన ప్రయత్నం అయినందున తల్లిదండ్రులు కూడా సమానంగా భయపడ్డారు. "ఇది అద్భుతంగా పని చేసిందని నేను భావిస్తున్నాను. సితార అద్భుతంగా ఉంది, అంతా సిద్ధంగా ఉంది.. దృష్టి కేంద్రీకరించింది" అని నమ్రత పేర్కొంది.