ట్రిపుల్ ఆర్ క‌లెక్ష‌క్స్ పై ఎన్టీఆర్ షాకింగ్ కామెంట్స్‌

ద‌ర్శ‌క‌ధీరుడు రాజ‌మౌళి అత్యంత ప్ర‌తిష్టాత్మ‌కంగా తెర‌కెక్కించిన భారీ మ‌ల్టీస్టార‌ర్ మూవీ ట్రిపుల్ ఆర్‌. యంగ్ టైగ‌ర్ ఎన్టీఆర్‌, మెగా ప‌వ‌ర్ స్టార్ రామ్ చ‌ర‌ణ్ క‌లిసి న‌టించారు. దాదాపు మూడున్న‌రేళ్ల పాటు ఈ ఇద్ద‌రు స్టార్ హీరోలు కేవ‌లం ఈ మూవీ కోస‌మే కేటాయించారు. ఫ్యాన్స్ కంటే ఎక్కువ‌గా ఈ మూవీపై అంచ‌నాలు పెట్టుకున్నారు. అలాంటి మూవీ మూడున్న‌రేళ్ల త‌రువాత ప్రేక్ష‌కుల ముందుకొచ్చింది. భారీ ఎక్స్ పెక్టేష‌న్స్ మ‌ధ్య విడుద‌లైన ఈ చిత్రానికి ప్ర‌పంచ వ్యాప్తంగా రికార్డు స్థాయి స్పంద‌న ల‌భిస్తోంది.

వ‌సూళ్ల ప‌రంగానూ ఈ మూవీ స‌రికొత్త చ‌రిత్ర సృష్టిస్తూ వ‌సూళ్ల ప్ర‌భంజ‌నాన్ని సృష్టిస్తోంది. ఏ సెంట‌ర్ లో.. ఏ కంట్రీలో చూసినా ట్రిపుల్ ఆర్ క‌లెక్ష‌న్ ల ప్ర‌భంజ‌న‌మే వినిపిస్తోంది. దేశ వ్యాప్తంగా కూడా బాక్సాఫీస్ వ‌ద్ద ఈ మూవీ రికార్డు స్థాయిలో వ‌సూళ్ల‌ని రాబ‌డుతూ గ‌త రికార్డుల్ని తిర‌గ‌రాస్తోంది. ఎన్టీఆర్ కొమ‌రం భీం గానూ, మెగా ప‌వ‌ర్ స్టార్ రామ్ చ‌ర‌న్ అల్లూరి సీతారామ‌రాజు గానూ అద్భుత‌మైన న‌ట‌న‌తో అబ్బుర‌ప‌రిచారు.

దీంతో మంత్ర‌ముగ్ధుల‌వుతున్న ప్రేక్ష‌కులు సినిమాకు బ్ర‌హ్మ‌ర‌థం ప‌డుతూ వ‌సూళ్ల వ‌ర్షం కురిపిస్తున్నారు. ఇప్ప‌టికే బాహుబ‌లి రికార్డుల్ని తొలి రోజు అధిగ‌మించిన ట్రిపుల్ ఆర్ హిందీ వెర్ష‌న్ ఉత్త‌రాదిలో నూ బాహుబ‌లి రికార్డుల్ని అధిగ‌మించి 200 కోట్ల మార్కుకి చేర‌బోతోంది. దీంతో ఇప్ప‌డు ఎక్క‌డా విన్నా ట్రిపుల్ ఆర్ రికార్డుల మోతే ప్ర‌ధానంగా వినిపిస్తూ దేశ వ్యాప్తంగా చ‌ర్చ‌నీయాంశంగా మారింది. ఇదిలా వుంటే ఈ మూవీ క‌లెక్ష‌న్ ల‌పై యంగ్ టైగ‌ర్ ఎన్టీఆర్ తాజాగా షాకింగ్ కామెంట్స్ చేశారు.

ట్రిపుల్ ఆర్ దేశ వ్యాప్తంగా సంచ‌ల‌నం సృష్టిస్తున్న నేప‌థ్యంలో ఓ బాలీవుడ్ మీడియాకు ప్ర‌త్యేకంగా ఇంట‌ర్వ్యూ ఇచ్చిన ఎన్టీఆర్ క‌లెక్ష‌న్ ల‌పై ఆస‌క్తిక‌ర వ్యాఖ్య‌లు చేశారు. క‌లెక్ష‌న్ ల పై మీ ఒపీనియ‌న్ ఏంట‌ని అడిగిన ప్ర‌శ్న‌కు ఎన్టీఆర్ ఆస‌క్తిగా స‌మాధానం చెప్పారు. ముందు నా ప్ర‌ధాన్య‌త ప్రేక్ష‌కుల నుంచి సినిమాకు ఎలాంటి స్పంద‌న ల‌భిస్తోంది. క్రిటిక్స్ ఎలా రియాక్ట్ అయ్యారు? అనే విష‌యాల‌ని మాత్ర‌మే తాను ముందు ప‌రిగ‌ణ‌లోకి తీసుకుంటాన‌ని, ఆ త‌రువాతే క‌లెక్ష‌న్ ల గురించి ఆలోచిస్తానని స్ప‌ష్టం చేశారు.

సినిమా సాధించే క‌లెక్ష‌న్ నంబ‌ర్స్ నా డిపార్ట్ మెంట్ కాదు. భారీ స్థాయిలో సినిమా వ‌సూళ్ల‌ని రాబ‌డితే మా న‌మ్మ‌కానికి మ‌రింత ప్రోత్సాహాన్నిస్తుంది అంతే` అని చెప్పుకొచ్చారు. ఎన్టీఆర్ ట్రిపుల్ ఆర్ త‌రువాత స్టార్ డైరెక్ట‌ర్ కొర‌టాల శివ డైరెక్ష‌న్ లో ఓ మూవీ చేయ‌బోతున్న విష‌యం తెలిసిందే. ఎన్టీఆర్ న‌టించ‌నున్న 30వ సినిమా ఇది. ఈ చిత్ర రెగ్యుల‌ర్ షూటింగ్ జూన్ నుంచి ప్రారంభం కాబోతోంది.