'ది వారియర్' పోస్టర్: స్టైలిష్ పోలీస్ అవతార్ లో కేక పుట్టిస్తున్న రామ్..!

ఎనర్జిటిక్ స్టార్, ఉస్తాద్ హీరో రామ్ పోతినేని నటిస్తున్న లేటెస్ట్ మూవీ ''ది వారియర్''. కోలీవుడ్ డైరెక్టర్ లింగుస్వామి దర్శకత్వంలో ఈ ద్విభాషా చిత్రం తెరకెక్కుతోంది. ఇందులో రామ్ పవర్ ఫుల్ పోలీస్ ఆఫీసర్ గా కనిపించనున్నాడు.

ఇప్పటికే 'ది వారియర్' నుండి వచ్చిన పోస్టర్స్ కు అదిరిపోయే రెస్పాన్స్ వచ్చింది. తొలిసారి ఖాకీ యూనిఫామ్ ధరించిన రామ్.. పోలీస్ గెటప్‌ లో ఆకట్టుకున్నాడు. ఇవాళ ఉగాది పర్వదినాన్ని పురస్కరించుకుని మేకర్స్ కొత్త పోస్టర్‌ ను ఆవిష్కరించారు.

ఇందులో పోలీస్ యూనిఫామ్‌ లో స్టైలిష్ గా రామ్ బుల్లెట్ బైక్ నడుపుతున్నాడు. అతను చాలా అగ్రెసివ్ గా నిర్లక్ష్యపు యాటిట్యూడ్ తో కనిపిస్తున్నాడు. ఇంతకుముందు రిలీజ్ చేసిన పోస్టర్ లో గన్ చేతబట్టి ఇంటెన్స్ లుక్ లో కనిపించాడు.

తెలుగు, తమిళ భాషల్లో ఏకకాలంలో రూపొందుతున్న 'ది వారియర్' చిత్రాన్ని జూలై 14న ప్రపంచ వ్యాప్తంగా గ్రాండ్‌ గా విడుదల చేయనున్నట్లు మేకర్స్ ఇటీవలే అధికారికంగా ప్రకటించారు. పవన్ కుమార్ సమర్పణలో శ్రీనివాసా సిల్వర్ స్క్రీన్ బ్యానర్‌ పై శ్రీనివాస చిట్టూరి ఈ సినిమాను నిర్మిస్తున్నారు.

ఇది రామ్ కెరీర్ లో 19వ చిత్రం. ఇందులో కృతి శెట్టి హీరోయిన్ గా నటిస్తుండగా.. అక్షర గౌడ ఒక ముఖ్యమైన పాత్రలో కనిపించనుంది. ఆది పినిశెట్టి పవర్ ఫుల్ విలన్ రోల్ ప్లే చేస్తున్నాడు. నదియా - నాజర్‌ కీలక పాత్రలు పోషిస్తున్నారు.

రాక్ స్టార్ దేవిశ్రీ ప్రసాద్ ఈ చిత్రానికి సంగీతం సమకూరుస్తున్నారు. సుజీత్ వాసుదేవ్ సినిమాటోగ్రఫీ అందిస్తుండగా.. నవీన్ నూలి ఎడిటింగ్ బాధ్యతలు నిర్వహిస్తున్నారు. సాయి మాధవ్ బుర్రా డైలాగ్స్ రాస్తున్న ఈ సినిమాకి అన్బు అరివ్ యాక్షన్ కొరియోగ్రఫీ చేస్తున్నారు.

'ది వారియర్' సినిమాతో కోలీవుడ్ లో ఎంట్రీ ఇస్తున్న రామ్ పోతినేని.. టాలీవుడ్ లో అడుగు పెడుతున్న డైరెక్టర్ లింగుస్వామి ఎలాంటి విజయాన్ని అందుకుంటారో చూడాలి.