రామ్-భీమ్ కొత్త పోస్ట‌ర్లు ఫ్యాన్స్ కి పూన‌కాలే!

ఇండియాస్ మోస్ట్ అవైటెడ్ చిత్రం `ఆర్ ఆర్ ఆర్` రిలీజ్ కౌంట్ డౌన్ మొద‌లైంది. రిలీజ్ కి ఇంకా నాలుగు రోజులే స‌మ‌యం ఉంది. రోజులు స‌మీపీస్తున్న కొద్ది చ‌ర‌ణ్-తార‌క్ అభిమానుల్లో మ‌రింత ఎగ్జైట్ మెంట్ క‌నిపిస్తుంది. రిలీజ్ గ‌డియ‌లు కోసం ఫ్యాన్స్ ఎంతో ఆస‌క్తిగా ఎదురుచూస్తున్నారు. మ‌రోవైపు భారీ ఎత్తున‌ ప్ర‌చార కార్య‌క్ర‌మాలు జ‌రుగుతున్నాయి. మోట్రో సిటీల‌న్నింటిని చ‌ర‌ణ్‌-తార‌క్-రాజ‌మౌళి త్రయం చుట్టేస్తూ సినిమాపై అంచ‌నాలు అంకంత‌కు పెంచేస్తున్నారు.

తెలుగు రాష్ర్టాల ప్ర‌భుత్వాలు టిక్కెట్ ధ‌ర‌లు పెంచుకునే వెసులుబాటు క‌ల్పించ‌డం స‌హా సినిమాకి అంతా పాజిటివ్ సైన్ కనిపిస్తుంది. దీంతో యూనిట్ లో ఆనందం రెట్టింపు అయింది. వ‌ర‌ల్డ్ వైడ్ గా మార్చి 25న సినిమా రిలీజ్ అవుతోన్న నేప‌థ్యంలో సినిమాకి సంబంధించిన మ‌రో రెండు కొత్త పోస్ట‌ర్ల‌ని అభిమానుల్లోకి వ‌దిలారు. అల్లూరి సీతారామ‌రాజు పాత్ర‌ పోషిస్తున్న‌ రామ్ చ‌ర‌ణ్ తేజ్ కాఫ్ యూనిఫాంలో లాఠీ చేత‌ ప‌ట్టుకుని ప్ర‌త్య‌ర్ధుల‌పై విరుచుకుపుడుతున్న సంద‌ర్భాన్ని పోస్ట‌ర్ లో డిజైన్ చేసి వ‌దిలారు. రామ్ ఎంట్రీతో ఆకాశం లో ఉరుములు మెరుపుల డిజైన్ తో పోస్ట‌ర్ ఆక‌ట్టుంటుంది.

ఇక కొమ‌రం భీమ్ పాత్ర పోషిస్తున్న‌ జూనియ‌ర్ తార‌క రామారావు కొమ‌రం భీమ్ ఆహార్యంలో ఒదిగిపోయాడు. రెండు చేతుల్లో భ‌గ‌భగ మండుతోన్న కాగ‌డాల్ని ప‌ట్టుకుని గాల్లోకి పైకి లేచి శ‌త్రువుల‌పై ప్ర‌తిదాడికి తెగ‌బ‌డుతున్న‌ట్లు పోస్ట‌ర్ డిజైన్ చేసి వ‌దిలారు. తార‌క‌ర్ ఆహార్యం ఆద్యంతం ఆక‌ట్టుకుంటుంది. వ‌స్ర్త‌దార‌ణ పాత్ర‌లో హైలైట్ గా క‌నిపిస్తుంది. భీమ్ ఎంట్రీతో కారు మేఘాలు క‌మ్ముకొస్తున్నాయి. నీలి ఆకాశం..న‌ల్ల రంగులోకి మారిన‌ట్లు రామ్ పోస్ట‌ర్ కి కాంట్రాస్ట్ గా డిజైన్ చేసారు.

ఈ రెండు పోస్ట‌ర్లు ఇప్పుడు అభిమానుల్లో హాట్ టాపిక్ గా మారాయి. ఫ్యాన్స్ లో ఉత్సాహాన్ని రెట్టింపు చేస్తున్నాయి. రామ్-భీమ్ ప‌వ‌ర్ ఫుల్ పాత్ర‌లు మ‌రోసారి నెట్టింట హాట్ టాపిక్ గా మారుతున్నాయి. రిలీజ్ కి ఇంకా నాలుగు రోజుల స‌మ‌యం ఉంది కాబ‌ట్టి ఈ గ్యాప్ లో మేక‌ర్స్ మ‌రిన్ని కొత్త పోస్ట‌ర్ల‌ని రిలీజ్ చేయ‌నున్నారు.

ఈ చిత్రంలో చ‌ర‌ణ్ కి జోడీగా బాలీవుడ్ న‌టి అలియ‌భ‌ట్ న‌టిస్తుండ‌గా..తార‌క్ కి జోడీగా బ్రిట‌న్ బ్యూటీ ఓలివియా మోరిస్ న‌టిస్తుంది. అలియా..ఓలివియా పాత్ర‌ల్ని ఇంత‌వ‌ర‌కూ హైలైట్ చేయ‌లేదు. మ‌రి ఈ గ్యాప్ లో ఆపాత్ర‌ల అప్ డేట్స్ ఏమైనా ఉంటాయేమో చూడాలి. ఈ చిత్రానికి ద‌ర్శ‌క దిగ్గ‌జం రాజ‌మౌళి ద‌ర్శ‌క‌త్వం వ‌హించిన సంగ‌తి తెలిసిందే. ఎం.ఎం కీర‌వాణి సంగీతం అందించారు. డి.వి.వి దాన‌య్య భారీ బ‌డ్జెట్ తో నిర్మించారు.