మిల్కీ షేర్ చేసిన లండన్ టిట్ బిట్స్!

మిల్కీ బ్యూటీ తమన్నా ముఖ్యపాత్రలో నటిస్తున్న తాజా చిత్రం 'నెక్స్ట్ ఏంటి'. డిసెంబర్ 7 న రిలీజ్ కానున్న ఈ సినిమాలో యువ హీరోలు సందీప్ కిషన్.. నవదీప్ ఇద్దరూ కీలక పాత్రలు పోషిస్తున్నారు. బాలీవుడ్ దర్శకుడు 'ఫనా' ఫేమ్ కునాల్ కోహ్లి ఈ సినిమా ద్వారా టాలీవుడ్ ఎంట్రీ ఇవ్వడం ఒక విశేషం.

ఈ జెనరేషన్ యూత్ ఆడియన్స్ కు కనెక్ట్ అయ్యే కంటెంట్ తో బోల్డ్ ఫ్లేవర్ లో తెరకెక్కుతున్న మూవీ అని ఇప్పటికే 'నెక్స్ట్ ఏంటి' టీజర్.. ట్రైలర్లు హింట్ ఇచ్చాయి. ఇక ఈ సినిమాలోని 'ఓహ్ నో నెవర్..' పాట ఇప్పటికే మ్యూజిక్ లవర్స్ ను ఆకట్టుకుంటోంది. బిజీ బిజీగా ఉండే లండన్ వీధుల్లో ఈ పాటను చిత్రీకరించడంతో పాటుగా పెపీ ట్యూన్.. క్యాచీ లిరిక్స్ అందరినీ ఆకట్టుకుంటున్నాయి. తాజాగా ఈ పాటకు సంబంధించి 'బిహైండ్ ది సీన్స్' అంటూ తమన్నా ఒక మేకింగ్ వీడియో ను తన ఇన్ స్టాగ్రామ్ ఖాతా ద్వారా పోస్ట్ చేసింది.

ఈ మేకింగ్ వీడియోకు 'ఓహ్ నో నెవర్ పాట లండన్ లోని బిజీ బిజీ స్ట్రీట్స్ లో బ్యూటిఫుల్ షాట్స్ చిత్రీకరించినప్పటి తీపి జ్ఞాపకాలు" అంటూ క్యాప్షన్ ఇచ్చింది. ఈ బిహైండ్ ది సీన్స్ వీడియో నెటిజనులకు బాగానే నచ్చింది. 14 గంటల్లోనే 7.5 లక్షల మంది చూశారు. మీరు ఒక సారి చూడండి.